Vana Kɔlkaloo 12:11 - BII BILA

¹¹ Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.

Vana Kɔlkaloo 12:11 Referans Kwoze

Hebreea 4:12

Sɔɛi Hala-e co ikiyɛi, i nɔ kpaayaa. I hiow mɔɛi sondola tiɔn kɛ́-kɛ̀ luɛyɔɔ. Sɔɛi Hala-e tiwba mi i luɛi naa nin di, mì i tiiya naa o kɔllo nin, mì i tiiya o boondon, mì i luɛi o yooyooan nin di. Mì i sina tuulan a yiyannda co o kɔl vanacieo nin-ndan.

Dɛnnda kiilaa 2:37

Mɛɛ vannda tuei sɔɔn mun, mí n pilan nda kɔltan ɲɛkɛndɛi. Má ɲuna Piɛr a kiilaa tɔ̀a aa: «Puapilɛa naa, yɛɛ naa n tosa yɛ?»

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Yeremi 23:29

Sɔɛi fula Mɛlɛka o sondo-e co hee ni aa: Maa leyin sɔɛi nii co ni, maa kunduva pesipesi pow bandíláà-o.

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Nsaŋ 3:10

Mí Yeesu mulul ndu aa: «Nɔm co vana pɛɛkaa tɔ́ɔ́ bɛndoo Israɛl-lo, vɛ̀ɛ̀ a co dɛnndan ndan bila biyɔɔ le?

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Talelan 22:17

Yaŋ nilan ma tuei sɔɔn vanaa kɔlkalua, handu kɔllo o sinapɛngu ya co nɔm pɛɛkoo-o coo.

Talelan 1:6

Talelan ndan la mala le kɔlɔ talelan a sɔɔn viannanndon sinaa, le sɔɔn vanaa kɔlkalua a sɔɔn kendu bila biyɔɔ-on sinaa.

Nsaŋ 10:14

Ya co vana mandaa n'saa kɛndɔɔ ni. I sina saa nia, saa nia bɛɛ a sina ya,

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Esai 22:23

I tɔalnin ndu maa leciŋɔ o fonda kàlà-kálàá coo, o vanin maa fonda calaa lebɛɛo le cɛi fuɲa ndɔ-o.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

Condii lisai 23:1

Condii David-e. Mɛlɛka co ya mandaa ni maa vana mandaa n'saa, ɲɛ-ɲɛ co ya lepɛŋ te.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Ɛsdras 9:8

Kɛ nduyɛ, o co vɔ lɔ́ɔ́ levil te, mí nɔm Mɛlɛka Hala naa tosal naa kɛndɛi, má mɛi vannda pum yoomu o vanaa naa tɛɛn, má mingi nda vɛlɛ le calle o lɛŋnde nɔmnde diandaa len coo. Hala naa, nuaa n cɔm naa ɲɛ-tengaa ni, má yɔnyɔla naa o cɛle naalen nin.

O Kandɔɔ 49:24

Kɛ kɔɛi ndɔɛi biŋin te, congúla ndɔlan la nɔ vɔ yoomuan, la co vɔ leemu-leemu. Kɛɛmasɔla Hala-Kpaaya Yakɔb-o le. Ndu co vana mandaa n'cɔloo a pow kpova Israɛl tiindan-ndo ni.

Vana Kɔlkaloo 7:5

O co fisa mì vana yaŋ nilan o sila vana kɔlkaloo, a nilan yaŋɔɔ o condun diɔmaa sondo vesɛiya.

Vana Kɔlkaloo 10:12

Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.