Vana Kɔlkaloo 12:1 - BII BILA

¹ «Tuma n co vɔ felengi-o, loonun a Vana cɔw nɔm-ndo. Loonun a ndu lɔ́ɔ́ pá palɛi vɔɔnde toal nɔm coo, ma dimi aa: ‹Yoomoo fula ya iyeema›,

Vana Kɔlkaloo 12:1 Referans Kwoze

Cɛɛŋɔnnda Yeremi lan 3:27

O naŋ le vanacieo sangaa biuvɔnndo o felengiyɛi ndɔɛi nin.

Vana Kɔlkaloo 11:8

Te vanndo tosa pɛ yoomu vɔsilan taw, o bɛnda mò dɔwnun ɲaale o vɔsila lan kpow bɛngu. Kɛ o loonun maa palɛi dɛnɛ palɛi vanin sɛ́lɛ́. Dɛnnda toal vana coo lan kpow, sanga fondoo fúú.

Talelan 22:6

Pɛɛku cuaambɔɔ nɛi o bɛnda mò kela coo-o, o kon hali o hun yuuva bɛɛ, o fáŋàn lecoo le.

Luke 18:16

Kɛ mí Yeesu veelu cuaambɔa, mó dimul nda aa: «La mal cuaambɔa hunɔɔ o ya lo, la kuuna nda le, kani le vanaa súú vaa nuaa Masale Hala len le co ni.

Condii lisai 34:11

Yàlàá téndéa nɔla mà va a pɛŋnden, yiaan ma nɔla mì ma nɛi nda, kɛ ɲɛ-ɲɛ bii vanaa co Mɛlɛka nuwviaa-a lepɛŋ te.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Condii lisai 90:10

N viow pɛ yoomu tei, vɔsilan belaŋɔmmɛw, te kon te vɔsilan belaŋɔmaa le vanaa kendu diallon-nda. Kɛ o sangaa nin a o mɔnɛi nin naa n co lan hivio lende ni. Vɔsilan la co bɔɔ keleŋaa hiovɔɔ, n co cɔnɔnndo coo le kɔlan ciee-piɔ́m.

Vana Kɔlkaloo 11:10

Lelan, faŋan dɛnɛ palaa o kɔl, má faŋan dɛnnda vɔɔnndan o n'dial. Kani sanga fondoo fúú felengiyɛi a dialun fulan ifelengiyan co ni.»

Talelan 8:17

Vanaa kaola ya-a, ya bɛɛ i kaola nda. Vanaa co ya nuwviaa-a co ya saalɔnndo.

2Samiɛl 19:35

Kɛ mí Barsilai muli aa: «Àá masaa! I nɔ lɛ vɔsila bɔɔ le vaa yoomu le. Le yɛɛ ya heelu yɛnin vɛlɛ Yerusalɛm naa nɔm masaa?

1Samiɛl 2:26

Samiɛl-lɛ, o va hiovɔɔ laci tuŋ a hindɔɔ, mó va vanndacieea a Mɛlɛka hɛnanndo.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

O Kandɔɔ 39:23

O ve lɛ Yosɛf lehɔl kɔɔli le, kani Mɛlɛka va Yosɛf ikɛi, ɲɛ-ɲɛ o va tosaa, mí Mɛlɛka va ndu nɛŋio.

Efɛsea 6:4

Niaa fuɲaa yɛ, la tɛ́ɛ́mbùù cuavaa niaa kɔltan te, kɛ la pɛɛku nda mì la sila nda o nɛila Maalii lan coo.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Esai 26:8

Éé Mɛlɛka! N co nɔm cumndo o nɛi tɔŋnda nɔmndan la cɔm naa-o coo, yeemɛi co naa o lakɔl taw-taw le diola nɔmndan piɔlɔɔ a le loonɔnndo a nɔm o kɔɔ.

1Samiɛl 2:18

Kɛ Samiɛl ndu, o lo o pɔmbɔ, mó va baala ndɔɔ tosaa Mɛlɛka o hɔl, doma ifalen solia lasálà nda toosiaa a kola keesoo-o va ndu lekɔɔ.

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

1Samiɛl 1:28

Ya bɛɛ, i yeema niko mì yɔngu Mɛlɛka ndu, mò va le Mɛlɛka le lɔ́ɔ́-lɔ́ɔ̀.» O kon mí nda kpow a baŋ vulan Mɛlɛka o labɛngunin.

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

SƐBƐ YƆB-O 30:2

Yɛɛ kpeekpei yáà sɔ́là yɛnin nda o ba, à yoomuma ndan máà cuu kan-nda?

1Masaa 14:13

Israɛlla kpow a caŋnin ndu ma kumbu ndu, kani ndu pilɛ kpé sɔlanin kumbɔɔ fulaa o yungu Yeroboam-ndo nin ni. O yungu kon nin kpow, ndu koni Mɛlɛka Hala Israɛlla ce dɛnɛ sandaa o kɔl ni.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Nehemi 4:14

Nɛɛ-nɛɛ niaa tuei pɛ buloo diom, la cɛn o fonda niaa co và-o, la komal naa lon. Hala naa tosanin cɔwvo le naa.›

Condii lisai 63:6

Kɔl nuu pumnin dɛnɛ kɛndɔɔ mɛɛ vana pum balo kɛndɔɔ nuaa yɛ. I yondanin a ɲaaloo mì solul nɔm condon.

Condii lisai 119:55

Àá Mɛlɛka, i co diola nɔmndan loonɔnndo icɔl le tɔŋ nɔmndo biyɔɔ.

Vana Kɔlkaloo 11:2

Yɔngu bolofaa nɔmndo vanaa ŋɔmmɛw kpengei pilɛ, ma yɔngu vanaa ŋɔmaa kpengei pilɛi. Kani a sinà dɛnɛ palaa toalnin o lɛŋnden coo-o le.

2Samiɛl 19:36

Vɔsilan belaŋɔmaa ya nɔ nin nuaa ni. Vɛ̀ɛ̀ i nɔla lɛ pá dɛnɛ kɛndɔɔ a dɛnɛ vɔɔndo sɛiyo? I tui lɛ bɛɛ ɲɛm dian ya co dioo-on a ɲɛm ya co kolɔɔ-on yeelaa le. I tiw lɛ ba hiyanndo sinaa diomnda vanpiaandua a diomnda vanlaandua co condei-ya tɛɛn te. Le yɛɛ ya kɔa yɛnin vɛlɛ calle masaa o bɛngu coo?