Vana Kɔlkaloo 11:9 - BII BILA

⁹ Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 11:9 Referans Kwoze

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Vana Kɔlkaloo 12:1

«Tuma n co vɔ felengi-o, loonun a Vana cɔw nɔm-ndo. Loonun a ndu lɔ́ɔ́ pá palɛi vɔɔnde toal nɔm coo, ma dimi aa: ‹Yoomoo fula ya iyeema›,

Cɛɛŋɔnnda Yeremi lan 3:27

O naŋ le vanacieo sangaa biuvɔnndo o felengiyɛi ndɔɛi nin.

Vana Kɔlkaloo 3:17

O kon, mí yiyan o kɔl nuu nin maa Hala kialunin vana sandaa a vana kɔlvesɛiyo iyama. Bau telenndo vanin le dɛnndan kpow, dɛnnda naalan kpede la kialunnin iyama.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

SƐBƐ YƆB-O 31:7

Te lepilɛ bɛɛ i pɔw pɛ mí mal nɛiyo, te kɔl nuu del pɛ yeemɛi nii n'dialle kɔɔli, te i vow nin pɛ balan o dɛnɛ nɔɔlɛiyo nin,

Rɔmnda 14:10

Kɛ nɔm, le yɛɛ n co yɛ yamɛi puapilɛ nɔmndo kiolɔɔ? Te kon te, le yɛɛ nɔm co yɛ puapilɛ nɔmndo pɛɛsaa? Kani mɛɛ naa n co kpede, n simnin Hala o hɔl mò kelu naa iyama.

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Vana Kɔlkaloo 2:10

Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Kundalan 15:30

Kɛ te vanndo tosa pɛ dɛnɛ vɔɔndo a kɔlvesɛiyo, o va cua pilaciee o va mial, mɛɛ ya Mɛlɛka o tɛɛndan ni. Lelan, a bɛnda mà faŋa ndu Israɛlla tɛɛn few.

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Dɛnnda kiilaa 14:16

Paandu, mó mal vanndacieea kpow kelaa mɛɛ nda yeema yɛ.

1Masaa 22:15

Mɛɛ Misee tiiya o masaa Akab lo, mí masaa ɲuna ndu aa: «Misee, vɛ̀ɛ̀ n bɛnda mì n kɔ del Ramɔt co o tàndá Kalaad-o nin-ndo coo a cɔwvo baa n bɛnda mì n kɔɛ le?» Mí Misee mulul ndu aa: «La kɔ, la nɔlanin. Kani Mɛlɛka malnin kobi kon nɔm o ba.»

1Masaa 18:27

Paalen tiiyaa o pol, mí Elii va nda mamɔɔ aa: «La cɔɔlu deŋi kpélén, kani hala o co ni, o nɔ kpekulan taw. Bɔɔle o dɛnɛ pum coo o co vɔ yiyanndo ni, bɔɔle o bahavɛiyo pum nin o co vɔ ni, bɔɔle kelanndo o kɔɛnnun yɛ ni, ko o lɔan o connun yɛ ndo-u. O co tiondɔɔ.»

1Masaa 18:12

Nduyɛ, te i faŋan pɛ dɔ́ɔ́ nɔm ikɛi, kɔl Mɛlɛka-o co nɔm koma cua, mò yɛɛ nɔm nɛɛ ya sina le-a. Akab hin pɛ mò ci nɔm te, vɛ̀ɛ̀ diyɔɔ le o diinin ya le? Nduyɛ, kabi i va vɔ felengi, mí ke Mɛlɛka bɛɛlen.

Kundalan 22:32

Mí mɛlɛkanɔ Hala-o dimul ndu aa: «Le yɛɛ n lɔɔ yɛ sofɛlɛ nɔmndo háá bɛmbɛ leyáá? Ya hin le nɔm kuunaa hiovɔɔ ni, kani i ce maa nɛiyo yelelalnin nɔm te.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Yosue 7:21

Mɛɛ ya ce doma bɛndu kɛndɛ-kɛndɛ fula o lɛŋnde Sinear len nin-ndo, volin latámán kɛmɛ lediin a sianin n'kpungban kalamulan kɛmɛ leŋɔmpum o ɲɛm naa n sɔla o cɔwvo nin-ndon tɛɛn, mí yeemɛi bii ya a mun, o kon mí cua mun. N co n'vianaa lɛŋ o soondo nin o cɛi-kola-toandaa nuu kɔllo, volion co lebɛngu dí.»

Luke 12:19

O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

Vana Kɔlkaloo 3:12

I bii bila maa ɲɛ-ɲɛ co fisà le vanacieo maa ɲaaloo dɔwnɔnndo a dɛnɛ kɛndɔɔ tosaa telen o co yoomu-o le.