Vana Kɔlkaloo 11:8 - BII BILA

⁸ Te vanndo tosa pɛ yoomu vɔsilan taw, o bɛnda mò dɔwnun ɲaale o vɔsila lan kpow bɛngu. Kɛ o loonun maa palɛi dɛnɛ palɛi vanin sɛ́lɛ́. Dɛnnda toal vana coo lan kpow, sanga fondoo fúú.

Vana Kɔlkaloo 11:8 Referans Kwoze

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Tɔŋ miingua 32:29

Bau te ndáà nɔ pɛ kɔlkaloo, ndáà biinin dɛnɔɔ ho bila, ndáà dɔawnin ɲɛ co nda cumndo-o taasi.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Vana Kɔlkaloo 6:11

Vana hiw pɛ sɔɔn dimio, a dimi sɔɔn fondon taw. Yɛɛ vana sɔla yɛ o ken nin?

Matie 22:13

O kon mí masaa dimul buɛiya aa: ‹La yii ndu pelon a balan, mì la viow ndu o ɲumndan nin o bɛ́ɛ̀, nɛɛ caŋndan a ciŋndon sɔmndo vanin-nda.›

Vana Kɔlkaloo 6:6

Vanndo tosa bɛɛ yoomu vɔsilan vàálan tan tiɔn, te o sɔla dɛnɛ kɛndɛ le, ceen súú yɛɛ co yɛ kon? Vɛ̀ɛ̀ o co nɛɛ pilɛ le ɲɔɔn kpow n kɔanin te?

Vana Kɔlkaloo 4:16

Vannda va ndu kɔɔli sɛ́lɔ́ɔ́ taw, ndáà cuu cɔm te. Kɛ lambi koma hunnin ndu kɔɔli-o yeemanin ndu le. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.»

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Vana Kɔlkaloo 2:17

O kon mí ceendo kusulan ya, kani baala co tosanndo o ceendo coo nanu-o niŋ te. Kon kpow sanga fondoo fúú, ɲɛ fondoo kiltan kɔɔli o co ni.

Vana Kɔlkaloo 2:15

O kon mí yiyan aa te ɲɛ pilɔɔ co naa cum naa diɔm sondo vesɛiyo ni, le yɛɛ ya sɔla yɛ niko kɔlkaloo hiovɔɔ ndu coo? Kon vɛlɛ bɛɛ, sanga fondoo fúú.

SƐBƐ YƆB-O 18:18

A faŋanin ndu o ɲɛ-tengaa, mà ɲindu ndu o ɲumndan nin. À toawnin ndu mà faŋa ndu o ceendo coo.

SƐBƐ YƆB-O 15:23

Duàá o n'cɔcɔ o mɛɛlunin ni. O nɔla lɛ sikaa a ken te: tambii ndɔɛi bendu lɛ le.

SƐBƐ YƆB-O 14:10

Kɛ vanacieo ndu, o vi pɛ yoomuma ndɔan ma cuu. O malnun pɛ kɔl, yɛɛ o siŋnun yɛ lɛ̀?

SƐBƐ YƆB-O 10:22

Lɛŋnde ya co len kɔlan nin-nden, ɲumma bɛndu-bɛnduma laasi-laasian kínɛí ma co lon ni, ɲɛ-tengaa paale siaa, maa ɲumma n'kpungba o co lon ni.›»

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Vana Kɔlkaloo 11:2

Yɔngu bolofaa nɔmndo vanaa ŋɔmmɛw kpengei pilɛ, ma yɔngu vanaa ŋɔmaa kpengei pilɛi. Kani a sinà dɛnɛ palaa toalnin o lɛŋnden coo-o le.

SƐBƐ YƆB-O 10:21

tuma pá mì kɔɛnnun o lɛŋnde maɲumnden a lɛŋnde vunduma piɔ́mnden nin, kɔla ya co lɛ muungu nanu le lan.

SƐBƐ YƆB-O 14:12

Vanacieo bɛɛ hini pɛ mó malnun kɔl, o cen-ndɛ le, o tindu lɛ le, fɔ mì halataalaa hun hiow fɛɛn, o tindu lɛnin o lɔma ndɔma mɛɛlan te.

Condii lisai 49:20

a kon kpede, mɛɛ mò dem fuɲaa ndɔa mamaa, á ci lɛnin ɲɛ-tengaa lɔ́ɔ́-lɔ́ɔ̀ le-a.