Vana Kɔlkaloo 11:6 - BII BILA

⁶ Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Vana Kɔlkaloo 11:6 Referans Kwoze

Esai 55:10

Piɔɔ a mɛmma n'kpungban ma cɛn pɛ coocoo mi ma tol, ma muungu fúú le fɔ mi ma pɔɔliaa lɛŋnden, mi ma yɔwviaa len, mi ma tosa mi tɔlɔɔlan la vil lecoo. Fɔ mi ma yɔngu vana saŋaa kɔmnde ɲɛ o saŋ-ndo, mi ma yɔngu vana co dioo-o ɲɛdiaa.

Osee 10:12

La sáŋ dɛnɛ sandaa, mì la kow vanakɛndɛyɛi. La fɛɛya ciɛi sɛnɛiye le niaa pila. Telenndo tiiya le muungoo ya Mɛlɛka o ibuŋ, háá mì hun saŋ dɛnɛ sandaa niaa coo.

2Korɛntea 9:6

La yiyan maa vana saŋ pɛ ɲɛ-pɔmbɔ, ndu koawnin ɲɛ-pɔmbɔ. Vana saŋ pɛ taw, ndu koawnin taw.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Vana Kɔlkaloo 9:1

«O kon, mí keela kɔllo o dɛnndan ndan kpow coo, mí ca maa vanaa sandaa, vanaa kɔlkalua a dɛnnda nda co tosaa lan kpow, Mɛlɛka o ba nda co ni. Vana-vana co bila biyɔɔ maa kaolaa, te kon te nɛyɔnndo co ndu cumndo le. Vana-vana co siɔdii laci ndɔɔ yiyan coo le.

Vana Kɔlkaloo 11:7

Ɲɛ-tengaa yeela, o naŋ mì hɔltan la ce paalen.