Vana Kɔlkaloo 11:5 - BII BILA

⁵ A sínà nɛɛ hoeyii yoomuɛi fula-a le, a sínà vɛlɛ mɛɛ vanacieo cɔawnùn kala ndɔ o dembe yɛ le. Lende vɛlɛ koni, vana tiwba baala Hala cɔw ɲɔɔn kpow-vo tosa-o bilaa biyɔɔ le,

Vana Kɔlkaloo 11:5 Referans Kwoze

Nsaŋ 3:8

Nɛɛ hoeiye yeema-a, lon i hɔŋ ni, mà tuei ndi diom. Kɛ a sinà ba i co fulaa-o le, a sinà vɛlɛ ba i co kɔlan-ndo le. Lende koni o co vɛlɛ le vana-vana velun a Kɔl Hala-o ni.»

Condii lisai 92:5

Éé Mɛlɛka! Dɛnnda n tosa lan la co ya kɔllo nɛŋio, i co condon solio a ɲaaloo le baala n tosa a laba-o.

Rɔmnda 11:33

Bolofaa Hala-o co o bɔɔ dɛ! Kɔlkalu ndɔɔ a dɛnɛ sinaa ndɔɔ yingila bɔɔ, vana sínà yiyannda ndɔlan te, vana nɔla tuula ndɔlan bila biyɔɔ le.

Esai 40:28

La sina vɔ a ndi o kɔɔ le? La tui-yɔ a ndi o kɔɔ le? Mɛlɛka, Hala fɛɛn a fɛɛn-ndo cɔw mɛɛlula lelɛŋndan ni, o sanga le, o bumbulan te, vana-vana nɔla dɛnɛ ndɔ sinaa yaasiaa le.

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Vana Kɔlkaloo 7:24

Mɛ̀ɛ́-mɛ̀ɛ́ vana nɔ kɔlkaloo, vana tiwba ɲɔɔn kpow sinaa le, kani n co sɛ́lɛ́, n yingila.

Condii lisai 40:5

Dɛnɛ kɛndɔɔ co le vana co Mɛlɛka tiindanndo-o, o sɔɔnguu vanaa yongaa a vanaa lacòòvaa ikɛi loo.

SƐBƐ YƆB-O 38:4

«Kuɛɛ nɛ n va yɛ, telen yáà kandu lɛŋnden kilaa-o? Taa kendu pɛ kɔl, mɛɛ dimul-la.

SƐBƐ YƆB-O 37:23

N nɔlanin tiiyaa o Vana-Kpaayaa-Kpow lo le. O co o bɔɔ o yoomuma ndɔan nin a o sandii ndɔɛi nin, o mel vanaa sandaa o sangaa nin te.

SƐBƐ YƆB-O 5:9

Kani ndu, o tosà dɛnnda bɛndulan a sɔɔn vana bii bila lon, kaamaala ndɔlan la cuu cɔm te.

Vana Kɔlkaloo 1:6

Hoeiye co hɔŋndo, i kɔɛ pɛ a ba too, i muungu vɛlɛ hɔŋndo a ba luaŋ-ndo. O kon kɔɔli, i mulin, i muungu a kpengii i va hɔŋndo-e.

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Vana Kɔlkaloo 3:10

I ce volɔɔ lusulaa bɛndu Hala siilu vanndacieea-o.

Vana Kɔlkaloo 3:11

Dɛnnda Hala co tosaa lan kpow la co tosanndo a telen bɛnda-o. Hala yɔngu vanndacieea kɔllo le ceen hiow-vo a le ceen co hunɔɔ siɔdii laci-o sinaa. Kɛ nda yɛ, dɛnnda o tosa lan, kandɔɔ a siowvo, a tiwba mà bii lan bila le.

Vana Kɔlkaloo 11:4

Vana-vana lo pɛ hoeiye tofaa, mɛɛ ndu veenin iciɛɛ le. Vana-vana lo pɛ piɔɔ helaa tofaa, mɛɛ ndu kuwnin te.