Vana Kɔlkaloo 11:1 - BII BILA

¹ «Vuu ɲɛdiaa nɔmndo o mɛnndan coo, kani palɛi bɔɔ-bɔɔ i hiow pɛ, a co ndu saalɔn.

Vana Kɔlkaloo 11:1 Referans Kwoze

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

2Korɛntea 9:6

La yiyan maa vana saŋ pɛ ɲɛ-pɔmbɔ, ndu koawnin ɲɛ-pɔmbɔ. Vana saŋ pɛ taw, ndu koawnin taw.

Esai 32:20

Dɛnɛ kɛndɔɔ vanin le vanaa saŋnin kullon ba-ba fee o mɛnndan dangalaa-a, a malnin nawva a sofɛlɛa kelaa o ba ndaa coo-a pɛɛn.

Luke 14:14

O kon, a sɔlanin duaa, kani a tiwnin ba nɔm mingullo le. Kani kon mingulunnin nɔm paale vanaa tosa dɛnɛ sandaa-a muungunin yoomu fulaa vanvílɛ́iya tɛɛn-nden.»

Esai 32:8

Kɛ vana tɔ́ɔ́ kɛndɔɔ ndu, sɔɔn latɔ́ɔ́-tɔ́ɔ́n o tuu ni, o tuu vɛlɛ pɛ sɔɔn bɛndun vaa lende, o sim yili, le lou lecoo.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Talelan 22:9

Vana tosal vannda kɛndɛiyo-o sɔlanin duaa, le tùú o co vana bala fondoo balo ndɔɔ keo-vo.

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Matie 10:13

Te vanaa co cɛinin lon-nda caa pɛ niaa biyɔɔ, a sɔla kɔlɲulu kon. Kɛ taa cee niaa biyɔɔ le, kɔlɲulu kon muungun niaa pila o ba.

2Samiɛl 17:29

lɛan, nɔnɔɔ hilihilio, saa a visin nawvon le dioo. Kani nuaa vanaa ke nda ɲɛm mun-nda nda dimin o kɔl ni: «Vannda ha yɔkpa bɔɔ. A sanga a yiaan a á bolola vesɛilan o lɛŋnde veselɛilen nin.»

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Vana Kɔlkaloo 3:6

Telenndo co le nuwviaa, telenndo co le malɔɔ, telenndo co le mandaa, telenndo co le viovɔɔ.

Matie 25:17

Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo.