Vana Kɔlkaloo 10:19 - BII BILA

¹⁹ Le ɲaaloo dɔwnɔnndo vana tuisi kafo ɲɛdiaa ni, mɔiyan ma nɛŋi vana kɔllo ni, volion tosa ni mì vana sɔla ɲɔɔn kpow.

Vana Kɔlkaloo 10:19 Referans Kwoze

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Luke 12:19

O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Esai 24:11

Vannda co yoondiaalan o nɛilan coo le mɔiyan sɔlaa, kani mɔima co lɛ hali ɲɛ-pɔmbɔ le. Kponyo kɔlkɛndɔɔ kpow cuu, ɲaaloo vɔɔsun o lɛŋnden nin few-few.

Condii lisai 112:9

Mò ke vanaa bala fondoa ɲɔɔn taw, dɛnɛ sandaa ndɔɔ vanin le fɛɛn a fɛɛn. O nɔnin kpaayaa, mì vannda ke ndu bɛɛlen.

Dɛnnda kiilaa 11:29

O kon, mí kaandennda tuu le ɲɔɔn cuungiaa mɛɛ vana-vana óò tiwba sɔlaa yɛ, le puapilɛa ndaa va Yuda-a malaa.

Dɛnnda kiilaa 2:45

A va ɲɛ nda sɔlaa a ɲɛm ndáà nɔ-on pisio, má va volin mun piɔvianndo mɛɛ mako vana-vana va yɛ.

Luke 16:9

Mì dimul niaa, la nuwviaa canyan a bolofaa ceen hui ho vana-o, haliko lɔ́ɔ́ o cuunin niaa o ba-o, caaŋaa niaa kan a luei niaa o calta fɛɛn-fɛɛnndan nin.

Luke 8:3

Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Matie 19:21

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Matie 17:27

Kɛ yɔŋii naa n tɛɛmbuu nda kɔltan, kɔ o dalaa nin, mà kɔ landu dolinnde, suw tase n cuanin-ndo, a kumbi ndu sondoo, a soli volii n saalunnin ndu o sondo-e, a hun yɔngu le naa ŋiɔn.»

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

Ɛsdras 1:6

Mí vanaa nda va icali tɛɛn-nda kpow a mala nda a ɲɛm nda cɔw a volion-ndon, ɲɛm nda cɔw a sianion-ndon, ɲɛm celen, cɔlua a ɲɛm sɔvɛɔn, handɔɔ o ɲɛm-kéan vannda yɔngu a yeemɛi nda pilɛi-yon coo.

1Dɛnnda lemasalan 21:24

Mí masaa David dimul Ɔrnan aa: «Ɛ-ɛ, i yeema mi pendu fondaa ho mɛɛ vɔngu ndɔɔ co o volion nin yɛ. Kani i yeema mi ke Mɛlɛka ɲɛ co le nɔm ndo le. I yeema vɛlɛ mi solul ndu sálàla loamaala ya dow vɔngu le lan te.»

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.

Masaa kialaa n'yamaa 9:13

Kɛ mí rɛsɛnndo muli aa: ‹Niaa ca ko aa i mɛinin mɔima nima peì halaa a vanndacieea a ɲaaloo-an solio mì kɔ cal saangianndo masalen tosaa yɔmii celen coo baa?›

O Kandɔɔ 43:34

Mí Yosɛf dimi aa a yɔngu nda ɲɛm dian ndu pila va dioo-on. Má yɔngu Bɛnyamɛn ɲɛm dian bɛmbɛ leŋuɛɛnu hiovɔɔ n nda ke bɛndaa ndɔa tɔ̀a-on coo. O kon, má kol ɲɛkɛndɛi nda ndaa.

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Vana Kɔlkaloo 2:3

Mí kialun o kɔl le sondoo lueiyo o mɔiyan nin, haliko mi yáà vel vanaa laasiannda, kɛ mì yáà va kelaa a kɔlkaloo. Yáà yeema mì yáà sina ɲɛ vanndacieea ndáà bɛnda le tosaa o ceendo coo, o palɛi nda co yoomu-e kpow nin-ndo.

Masaa kialaa n'yamaa 14:10

Mí fuɲaa Samsɔn kɔa o cuaambɔ kalaa lo, mí Samsɔn bɛɛndiaa ɲɛdiaa sɔvɛɔ lon, kani lende langbaa felengia ndáà tosa o nɔlan yiiyo ni.

Ɛstɛr 1:10

Paale ŋɔmmɛwndɔlen o kafo kon coo, masaa va a ɲaaloo taw a mɔiyan o hɔl, mó viam vanpiaandua ŋɔmmɛvaa ndu masaa ndóò kɛsi kɔllo coo-a: Mehuman, Bista, Harbona, Bikta, Abakta, Setar a Karkas,