Vana Kɔlkaloo 10:15 - BII BILA

¹⁵ Sangaa pila diɔmndo sanga o baala ndɔɔ nin ni, kɛ o sɔla tɔnɔ bɔɔ le. O sina bɛɛ nɛi vana kei le kɔlan ciee-o le.

Vana Kɔlkaloo 10:15 Referans Kwoze

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Vana Kɔlkaloo 10:3

Hali o nɛi diɔm sondo vesɛiyo va kɔlan ni, mɛɛ o nɔ kɔl nin te yɛ, o cɔm vannda maa o pe lebol te.

Condii lisai 107:7

Mó cɔm nda nɛi sakpoo le kɔlan o kobi ndáà kila caltan-ndo nin.

Condii lisai 107:4

Vanaa pum va kelanndo o lɛŋnde veselɛilen nin, a ve nɛi kɛ́-kɛ̀ cɔ le kɔlan calle o kobi pum nin te.

Habakuk 2:6

Vanaa nda bii kan-nda kpede simulnin nda, mà dɔw nda danga, mà dimul nda aa: «Dangaa co le niaa! La co caanda kafalan tosallo, mì la va ɲɛ-sɔlaa ndaa cuungiaa, mì la va vɛlɛ hiovɔɔ laci a vannda delɔɔ coo. Telen kuɛɛ niaa mal-lɛnin dɛnndan-ndan?

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Vana Kɔlkaloo 10:10

Te cuei bumbula pɛ, mì vana cɛɛŋa ndi le, mɛɛ fɔ yoomuan taw le vallo a ndi. Kɛ taasio tosa ni mì vana tiwba.

Vana Kɔlkaloo 10:14

Vana seemɛiyo sanga a sɔɛi le. Vanacieo sina ɲɛ co hunɔɔ tosan-ndo le. Nɛ̀ɛ́ dimul lɛnin ndu ɲɛ koma yɔŋnɔn ndu kɔɔli-o?

Vana Kɔlkaloo 10:16

Dɛnɛ palaa co le lɛŋnde masaa co cuaambɔɔ len, lɛŋnde simlacia ndɔa toal ɲɛdiaa kɔɔli idii púŋ-nden pɛɛn.