Vana Kɔlkaloo 10:12 - BII BILA

¹² Vana kɔlkaloo soo pɛ, sɔɔn mun hɛnan vannda. Kɛ diɔm sondo vesɛiyo ndu kumbi dɔ́ɔ́ pɛ sondoo, vannda yaa ndu.

Vana Kɔlkaloo 10:12 Referans Kwoze

Kolɔsea 4:6

Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Luke 4:22

Mí nda kpow a naŋ kɔl, má dɔawnun kɔndɔfili a sɔɔn kɛndɛn va ndu fulaa o sondo-on, má ɲuna aa: «Vɛ̀ɛ̀ o co po Yosɛf-o le?»

Talelan 22:11

Vana nɔ pɛ yiyan diandaa mò nɔ sɔɔn sɔvɛɔn o sondo, o siŋnun caaŋoo masaa.

Talelan 15:2

Vana kɔlkaloo va pɛ sɔɛi, yeemɛi bii vana le pɛɛkoo sɔlaa ni. Kɛ sondola diɔmaa sondo vesɛiya lan, diɔmndon la pɛɛliaa ni.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Talelan 31:26

A kɔlkaloo pila o soaa ni, o caa bɔɔ silalan yɔngoo.

Talelan 26:9

Diɔm sondo vesɛiyo taloo dimio, kon co ko kpen a vana mɔiyan ma co o hɔl-lo yɔm n'yɔɔ cuaa mò sim le sɔngɔɔ.

Talelan 19:5

Sei lacòòvaa lonin lende mò kɛɛ sangaa sɔla le. Vana dimia lacòòvaa bɛɛ helunnin sanga kelun le ndu-o le.

Talelan 15:23

Vanndo yala pɛ sɔɛi caa muli o dɔwnun ɲaale. Sɔɛi naŋ dimio o telen bɛnda-o.

Talelan 12:18

Mì vana tombola fondo-fondoo boli vana a tombola ndɔɔ maa a mɔɛi cɔw. Mɛ sɔɔn fula vana kɔlkaloo o sondo-on, maa kooma singiaa n co ni.

Talelan 10:10

Vana vin pɛ caanda toɲaa a saangiaa nda, vana soo pɛ mɛ̀ɛ́-mɛ̀ɛ́ ka, laasiando co ndu levil te.

Talelan 10:8

Vana kendu kɔllo-o cɛl tɔŋndan ni, kɛ vana soaa mɛ̀ɛ́-mɛ̀ɛ́ ka-o, laasianndo co ndu levil te.

Condii lisai 140:9

Cɛ̀l mì vanaa kɔlvesɛiya tosa hɛnan ndaa a ya le, cɛ̀l mì tuula ndalan la bɛnda le, Mɛlɛka, yɔŋii nda soo yongaa.»

Condii lisai 64:8

Kɛ Hala vuu nda a bállo, mó lɔaa nda o lepilɔɔ.

Condii lisai 37:30

Sɔɔn kɔlkalon vana sandaa biiŋuu sondoo coo ni, sɔɔn sandan diɛɛmule ndɔlen le dimi ni.

SƐBƐ YƆB-O 16:5

I va niaa yoomuan luei a sɔɔn va fula ya o sondo-on, Ɲɛ va fula ya o n'cɔcɔ-o va sanga niaa dɔɔniàà.

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

Vana Kɔlkaloo 4:5

Lende i co ni, diɔmndo co lo balan kafalaa háá mò vi a yiaan.

Vana Kɔlkaloo 9:17

Nduyɛ, vana kɔlkalu co sɔɛi fɛ́ɛ́-fɛ́ɛ́-o nilan yaŋɔɔ co fisa a yoondiaala diɔmaa sondo vesɛiya yaŋnɔnndo.

Vana Kɔlkaloo 12:11

Sɔɔn vanaa kɔlkalua co maa sionnde nɔ ciliŋii siɛɛmbiɛi o bollen le cɔlua kpeŋaa len. Talela nda dimì lan la co maa ciliŋii siɛɛmbiɛi nda baŋ o sionnde len bollen-nde. Kon kpow, Hala ke vana ni. Ndu pilɛ kpé sim vana laci ni.

Vana Kɔlkaloo 5:2

Vana hiw pɛ buulanndan, a sɔl lɔma vɔɔnndan. Lende koni, vana hiw pɛ sɔɛi, a dimi sɔɔn idiɔmndon.

Vana Kɔlkaloo 5:6

Diɔmun fondon co o lɔma sɔlaama bɛndu-bɛnduan nin. O tobola bɛndu-bɛndoo nin bɛɛ sɔɔn fondon co. Lelan, nɔ́ siòòŋii Mɛlɛka-e.