Vana Kɔlkaloo 10:1 - BII BILA

¹ «Pengia vílɛ́iya del pɛ o cuɛima cun kɛndɛan nin, a yɔngu man cun vɔɔndo, ma tumulu. Lende koni, ɲɛ-pɔmbɔ bɛɛ diɔmnde del o kɔlkaloo coo ni, i tɛɛmbuu ndu.

Vana Kɔlkaloo 10:1 Referans Kwoze

Nehemi 13:26

Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

Fulaa 30:25

A ɲɛm mun n toosiaanin cuɛiyan le pɔla diandaa ni. Ma yɔngu vana toosiàà lasikɔlɔɔ-o ɲɛm mun, mò toosiaa cuɛima pɔlan a mun.

Nehemi 6:13

Le yɛɛ ndáà luɛi-yɛ ndu nin? Haliko mì siòònde ndíì bii ya, mì yáà tosa mɛɛ ndóò dimi yɛ, o kon mì yáà cua hakio. Yáà tosa yɛ pɛ lende, ndáà sɔla talen le ya diolan tɛɛmbuuo, mì siɛmbulan láà tol-la.

SƐBƐ YƆB-O 6:3

Mbɔ̀ lusul ndɔɔ ndóò hiawnin bɛɛ sióóŋun co o mɛmma ihɛllan kɔngɔ-on. Lelan ya co sɔɔn dimio mɛ̀ɛ́-mɛ̀ɛ́ ka ni.

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

Aasee 2:12

Te vanndo vow pɛ visii sálài o doma ndɔɔ nin, mì doma kon pilan buloo, ɲɛdiaa pum, mɔiyan, cuɛiyan te kon te ɲɛdiaa súú-súù ka, vɛ̀ɛ̀ ɲɛ kon siŋnun pá ɲɛ siŋnun teengen le Mɛlɛka-o lelan?›» Mí vanaa-solia-lasálàá muli aa: «Ɛ-ɛ».

Aasee 2:13

Mí Hasee ɲuna nda vɛlɛ aa: «Te vanndo siŋnun pɛ vana nɔɔlɛiyo le vanaciee vílɛ́i o pilan-ndo, mò kɔ pilan ɲɛdiaa pum, vɛ̀ɛ̀ ɲɛdiaa kon siŋnun pá ɲɛ nɔɔlɛiyo lelan?» Mí vanaa-solia-lasálàá muli aa: «Oi, mò siŋnun o nɔɔlɛiyo.»