Vana Kɔlkaloo 1:3 - BII BILA

³ Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

Vana Kɔlkaloo 1:3 Referans Kwoze

Vana Kɔlkaloo 3:9

Tɔnɔ yɛɛ vana baalaa co yɛ niko sɔlaa o sanga bɛndu o co-o nin?

Vana Kɔlkaloo 5:16

Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.

Vana Kɔlkaloo 2:22

Ɔ́ɔ̀ niko tɔnɔ vanacieo sɔla le sanga bɛndu o co o paalen bɛngu a somisominndo-o?

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Habakuk 2:13

Lelan Mɛlɛka-Nɔ-Kpaayaa-Kpow-vo co tosaa ni mì ɲɛ-sɔlaa vannda co ŋɔu o yin, mì vanaa bɔɔ-bɔɔ va sanga fondoo fúú.

Vana Kɔlkaloo 9:13

Mí ca vɛlɛ dɛnɛ pum o paalen bɛngu, mó bii ya kɔllo ɲɛkɛndɛi a kɔlkaloo o kɔɔ.

Vana Kɔlkaloo 9:6

Kaola ndaa, nɛyɔn ndaa a paŋala ndaa kpow tambu. A tosa lɛnin dɛnnda co hiovɔɔ o paalen bɛngu nanu lan te.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Vana Kɔlkaloo 7:11

Kɔlkaloo co macoaa maa kɛ́ɔ. Kani ndu, vana-vana co paalen cɔu nɔla mò de ndu tɔnɔ.

Vana Kɔlkaloo 6:12

Ceen vanndacieea co maa levundu. Ɔ́ɔ̀ vana sina ɲɛ kelun le ndu o palɛi bingi o co yoomu-e bɛngu-o? Vana dimulnin ndu ɲɛ koma yɔŋnunnin ndu kɔɔli o paalen bɛngu-o le.»

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 4:3

Kɛ vana vilun-ndɔ loo hiow vɛlɛ va fisa a vanaa ŋiɔŋa kan. Kani ndu ci vɔ kafala vannda co tosaa o paalen bɛngu lan te.

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Vana Kɔlkaloo 4:7

I saalun vɛlɛ dɛnɛ i diɔmndo pum o paalen bɛngu:

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Vana Kɔlkaloo 2:18

Sanga kɛ́-kɛ̀ ya co o paalen bɛngu nanu, mó kusulan ya. Kani vana koma hunnin ya kɔɔlio ya melnin ɲɛm mun ni.