Vana Kɔlkaloo 1:17 - BII BILA

¹⁷ Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

Vana Kɔlkaloo 1:17 Referans Kwoze

Vana Kɔlkaloo 2:3

Mí kialun o kɔl le sondoo lueiyo o mɔiyan nin, haliko mi yáà vel vanaa laasiannda, kɛ mì yáà va kelaa a kɔlkaloo. Yáà yeema mì yáà sina ɲɛ vanndacieea ndáà bɛnda le tosaa o ceendo coo, o palɛi nda co yoomu-e kpow nin-ndo.

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Vana Kɔlkaloo 2:17

O kon mí ceendo kusulan ya, kani baala co tosanndo o ceendo coo nanu-o niŋ te. Kon kpow sanga fondoo fúú, ɲɛ fondoo kiltan kɔɔli o co ni.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Vana Kɔlkaloo 4:6

Ɲɛ-pɔmbɔ nɔu o ba o kɔlɲuloo nin co fisa a balan peiyo cá kɛ ma va o sangaa nin. Kani kon kpow ɲɛ fondoo kiltan kɔɔli co kon ni.

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 9:3

Dɛnɛ vɔɔn komal vannda kpow o paalen bɛngu-o co hoo ni: ɲɛ pilɔɔ kpé komal vanndacieea ni. Yɔŋ vɔɔndo a diɔmii sondo vesɛiye koni nda co tosaa telen nda co yoomu-o ni, o kon kɔɔli, a vinnun.

Condii lisai 73:16

Le hee, mí keela kɔllo le sɔɔn mun bilaa biyɔɔ, kɛ mí ca maa dɛnɛ kala bɛndoo pila co kon ni.

Vana Kɔlkaloo 3:19

Kani ɲɛ pilɔɔ koni co vanndacieea a cɔlua cumndo ni. Mɛɛ o pilɔɔ vu yɛ, lende koni o pilɔɔ bɛɛ vu ni. Yoomu pilɔɔ nda kpow nɔ ni. Hiovɔɔ vanacieo hiow cɔloo-o co ɲɛ-ɲɛ le. Kon kpow, ɲɛ fondoo o co ni.

Vana Kɔlkaloo 8:16

Mí kei o nɛi oo nɛi coo le sinaa mɛɛ vana looku mà sɔla kɔlkaloo yɛ. Mí dɔaw dɛnnda vannda co tosaa o lɛŋnden coo lan taasi ɲɛkɛndɛi. Mí ca maa hali vana niinu tofaa, mà lɔl lahɔl, a tiwba ma sina mɛɛ Hala tosa ɲɛm co o ceendo coo-on kpow yɛ le. Vanndacieea co sangaa le kon sinaa, kɛ a co nɔla le. Nduyɛ, hali vana kɔlkaloo dimi bɛɛ aa o sina, o tiwba mò bii ken bila le few.»

Vana Kɔlkaloo 12:8

Vana kɔlkaloo diminin aa: ‹Sanga fondoo fúú! Mbɔ̀ dɛnndan kpow sanga fondoo fúú la co ni.›