Vana Kɔlkaloo 1:13 - BII BILA

¹³ mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Vana Kɔlkaloo 1:13 Referans Kwoze

Vana Kɔlkaloo 3:10

I ce volɔɔ lusulaa bɛndu Hala siilu vanndacieea-o.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

1Timote 4:15

Kindin mì nɔm pila yɔngun kpow o baala kon nin, o kon mì vannda kpede a ce mɛɛ n co hiovɔɔ laci yɛ.

Vana Kɔlkaloo 12:12

Po nuu, mandan! Handu ɲɛ-ɲɛ o sɔɔn mun coo le. Balaa sɛvaa lasɛbɔɔ co baala cuu o co le.

Vana Kɔlkaloo 7:25

O kon, mí kindin le sinaa, mí yaasiaa, mí nuwviaa kɔlkaloo. Yáà yeema mì yáà sina le kɔlɔ dɛnndan la komal vana-o. Mí yáà sina vɛlɛ kɔlɔ vannda tosa kɔlvesɛiyo te kon te diɔmii sondo vesɛiye-o.

Vana Kɔlkaloo 8:9

Mí ca kon kpow, mí dɔaw ɲɛ co tosanndo o paalen bɛngu-o kpow taasi ɲɛkɛndɛi. Vanacieo co vanacieo dɛnɔɔ kindilaa coo, mó va ndu mɔnɛi lueiyo.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Talelan 18:15

Vanndo keela pɛ kɔllo, o sɔla sinapɛngoo. Sɔɔn pɛɛku vana-on vana kɔlkaloo yeemà tueyɔɔ ni.

Talelan 18:1

Vana yeema tɔnɔ ndɔ ndu pilaa daama-o holnun caanda le, vana tuu pɛ le ndu malaa o tuulu kɔl.

Talelan 4:7

Kandɔn kɔlkaloo co ho ni: kɔlkaloo sɔlaa, mà yɔngu ɲɛm nɔmndon kpow le dɛnɛ sinaa sɔlaa.

Condii lisai 111:2

Dɛnnda Mɛlɛka tosa lan la co la bɔɔ, vanaa kaola lan-nda co kɔllo keelaa lecoo.

SƐBƐ YƆB-O 28:3

Vanaa co powta báà kàlàlan nuwviaa-a co tolɔɔ o lɛŋnden bɛngu dí, a co kɔlan a ɲɛ-tengaa lon le powta lan nuwviaa.

Vana Kɔlkaloo 3:11

Dɛnnda Hala co tosaa lan kpow la co tosanndo a telen bɛnda-o. Hala yɔngu vanndacieea kɔllo le ceen hiow-vo a le ceen co hunɔɔ siɔdii laci-o sinaa. Kɛ nda yɛ, dɛnnda o tosa lan, kandɔɔ a siowvo, a tiwba mà bii lan bila le.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 11:5

A sínà nɛɛ hoeyii yoomuɛi fula-a le, a sínà vɛlɛ mɛɛ vanacieo cɔawnùn kala ndɔ o dembe yɛ le. Lende vɛlɛ koni, vana tiwba baala Hala cɔw ɲɔɔn kpow-vo tosa-o bilaa biyɔɔ le,

Talelan 25:2

Le tùú Hala vian dɛnndan lapum-ndo o sɔlà biiloo ni. Le tùú masaa yaasiaa dɛnndan-ndo o sɔlà biiloo ni.