Tɔŋ miingua 9:9 - BII BILA

⁹ Lɔ́ɔ́ ya hel o pembei coo le powta yɛ́ndɛ́la kpema Mɛlɛka yii a naa-o va o sɛvaa coo lan biyɔɔ-o, mí lo lon háá palɛi belehiɔɔlu a malɔ belehiɔɔlu, i ve ɲɛdiaa dio le, i ve vɛlɛ mamɛn kolɔɔ le.

Tɔŋ miingua 9:9 Referans Kwoze

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.

Fulaa 24:18

O kon, mí Moise luɛi o kumii ken nin, mó hel háá o pembei tullo. Mó tosa palɛi belehiɔɔlu a malɔ belehiɔɔlu o pembii ken coo.

1Masaa 19:8

Mí Elii can, mó dia ɲɛdiaa, mó kol. Mí ɲɛdiaa kon luei ndu yoomuan, mó kɔa palɛi belehiɔɔlu a malɔ belehiɔɔlu, mó lo kɔlan háá mó tiiyaa o pembii Hala-e, pembei Horɛb pɛɛn.

Fulaa 24:15

Mí Moise hel o pembei Sinai coo, mí kumnde kumbu pembii kalɛi mɔku-mɔku.

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Matie 4:2

Mí Yeesu cii palɛi belehiɔɔlu a ɲumndan belehiɔɔlu o sumndo nin. O kon mí yiaan ma nɛi ndu.

Tɔŋ miingua 9:18

«O kon kɔɔli, mí del vɛlɛ Mɛlɛka o labɛngunin, mí tosa vɛlɛ palɛi belehiɔɔlu a malɔ belehiɔɔlu maa o tasendɔ, i ve ɲɛdiaa dio le, i ve mamɛn kolɔɔ le. Le haki bɛndu niaa tosa kon-ndo yáà tosa lende ni, kani mí la tosa dɛnɛ hɛnan Mɛlɛka loo, mí la tuulu ndu kɔl.

Kalatea 4:24

Sɔɛi ken i nɔ vɛlɛ kɔlɔ celen: laandua ŋiɔŋaa kan, nda co kpemala tiɔnndan ni. O pilɛ, o fula o pembei Sinai-yo, ndu le cɛlen o vialu ni: Akar co kon ni.

2Masaa 6:22

Mí Elise mulul ndu aa: «A bɛnda ma diw nda le. Vɛ̀ɛ̀ diyɔɔ n dii cɛa n dema biyɔɔ a mɔɛi nɔmii cɔwve a á kpaasiaa nɔmndo-a ni? Ke nda ɲɛdiaa a mɛnndan, mà de, mà kol. O kon a mal nda, a muungun o vana nda bɛndoo lo.»

Tɔŋ miingua 9:15

O kon, mí mulin, mí toal pembei, yinnden le va vɔ o pembii kalɛi coo. Powta yɛ́ndɛ́la kpemaa va o sɛvaa coo lan la va ya o ba.

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

Tɔŋ miingua 8:3

A toɲa, mó tuisi niaa siɛmbulan a yiaan coo. Kɛ o kon kɔɔli, mó yɔngu niaa manne le dioo, niáà sina paandu ɲɛdiaa kon te, fuɲaa niaa mamaa bɛɛ a sina ndu le. O tosa kon kpow le niaa cɔmndo maa o co ko ɲɛdiaa daama le tosa mì vanacieo va yoomu le, kɛ sɔɔn fula Mɛlɛka o sondo-on kpow n tosa ni mì vanacieo va yoomu.

Tɔŋ miingua 9:11

O palɛi belehiɔɔlui ken a o ɲumma belehiɔɔluma man bɛngu, mí Mɛlɛka yɔngu ya powta yɛ́ndɛ́la tiɔnnda kpemalan,

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»