Tɔŋ miingua 9:6 - BII BILA

⁶ Lelan, la cɔɔlu sina ɲɛkɛndɛi maa o co le dɛnɛ niaa sandaa le Mɛlɛka Hala niaa co niaa lɛŋnde kɛndɛle len yɔngu le, kani vanaa nila kalua niaa co ni.»

Tɔŋ miingua 9:6 Referans Kwoze

Tɔŋ miingua 10:16

La dìí kɔlta niaalan tooma, la simùl lɛ Mɛlɛka le.

Dɛnnda kiilaa 7:51

Mí Etiɛn hiaw laci a sɔɛi, mó dimul nda aa: ‹Niaa vanaa bolii kalaa ha, niaa dii haa toma o kɔlta niaalan nin te-a, la kendu bɔɔ nilan! Fuɲaa niaa niaa vel ni. La co Hala Kɔl-Diandaa simullo lɔ́ɔ́-lɔ́ɔ̀!

Tɔŋ miingua 31:27

Kani i sina nila kalula niaalan a sɔɛi biyaa lepɛŋii niɛi. Bau la co vɔ Mɛlɛka simullo telen ya co vɔ hoo hau yoomu niaa tɛɛn-ndo, vɛ̀ɛ̀ la koma simulnin ndu lɔ́ɔ́ ya vunin-ndo hiovɔɔ o hoo coo le?

Tɔŋ miingua 9:13

Mí Mɛlɛka cɔɔlu vɛlɛ ya dimul aa: ‹I mɛɛndan vannda ha, vanaa nila kalua kposon nda co ni.

Fulaa 32:9

Mí Mɛlɛka cɔɔlu vɛlɛ Moise dimul aa: «I sina nihau maa vannda ha vanaa nila kalua nda co ni.

Esekiɛl 20:44

Tuma ya tosalnin niaa lende le kaola ya nɔ le diola nilan-ndo-o, la sinanin maa ya co Mɛlɛka ni. Kani i biinin niaa mɛɛ káà niaa vɔɔndo a dɛnnda niaala lɔngɔlɛilan la co yɛ le, niaa cuavaa Israɛlla pɛɛn! Ya Maalii, ya co Mɛlɛka-o soo nuaa ni.»

Esekiɛl 2:4

Cuavaa kan nɔ hɔlta veseilan a kɔlvesɛiyo taw. O nda lo ya co nɔm vomɔɔ ni, mà kɔ soo o nda lo, mà dimul nda aa: ‹Lende Maalii Hala dimi ni!›

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

Fulaa 34:9

Mó dimi aa: «Éé Maalii, te o va pɛ maa a ce ya ɲia lekɛ́ndɛi, mɛɛ i ɲɔɔlu nɔm, cɛl mì n kɔɛ naa niaa latulu, ma va naa tɛɛn. Ya bɛɛ, i sina nihau maa vanaa lanila kalua vannda ha co ni. Kɛ mal naa haki le tɛɛmbuu naa, le hakila naa n tosa lan. Bii naa mì n va cuavaa nɔmnda.»

Fulaa 33:3

Mɛlɛkanɔɔ co lakɔ a niaa o lɛŋnde cɔlua a tɔlɔɔlan la naŋ nin taw-taw len nin. Kɛ ya pila Mɛlɛka, i kuenin niaa tɛɛn te, kani la co bɔɔ vanaa lanila kalu. Te i kɔɛ pɛ niaa tɛɛn, i kei niaa diw nɛi-tɛɛn kpow.»

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.

Tɔŋ miingua 3:18

O telen pilɛ kon, mí dimul nda sɔɔn mun: ‹Mɛlɛka Hala niaa yɔngu niaa lɛŋnden nden kɛ́ɔ. Kɛ o niaa tɛɛn, vana-vana nɔla le ɲɛm cɔwvon cuaa le cɔwvo, ndu cua mun mì la sim puapilɛa niaa, Israɛlla laci a volɔɔla cɔwlan o laba.

Tɔŋ miingua 9:24

Kabi ya sina niaa, vanaa nila kalua niaa yɔŋnun a Mɛlɛka ni.