Tɔŋ miingua 9:5 - BII BILA

⁵ O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Tɔŋ miingua 9:5 Referans Kwoze

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 15:7

Mó dimul ndu aa: «Ya co Mɛlɛka ni, ya faŋa nɔm o cieo Ur nin o lɛŋnde Kaldee len nin le nɔm lɛŋnden nden yɔngoo ɲɛ nɔm ni.»

O Kandɔɔ 13:15

Lɛŋnde n co len cɔu len, i co nɔm nden yɔngu niaa cuavaa nɔmaa imamaa le fɛɛn a fɛɛn.

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Esekiɛl 20:14

Kɛ mí tosa ɲɛ pum le diola nilan, yɔŋii diola nilan láà tambu vanaa-mangalaa-isɔɔa va cɔu mí soli Israɛlla o lɛŋnde Esipte len nin-nda o hɔl.

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

Rɔmnda 15:8

I co niaa ndi dimul, vana lo o lediom coo-o Hala co ni. Lelan Krista siŋnun vana baala Yuifia ni, le kpemala Hala yiilu fuɲaa ndaa mamaa lan peeloo.

Rɔmnda 11:28

Le kɛɛ nda kɛɛ yoongu kɛndɔɔ-o, yaamɔaa Hala-a nda co ni, kon yɛ le dɛnɛ niaa kɛndɔɔ o tosan ni. Kɛ a ba hɛli Hala-o o kɔɔ, Hala kaola nda le fuɲaa ndaa mamaa.

Dɛnnda kiilaa 3:25

Niaa co cuavaa vanaa-tɛɛngaa-diom Hala-a kan ni, a Hala yii kan kpemaa a fuɲaa naa mamaa, mó dimul Abraham aa: ‹Vanaa-mangalaa-isɔɔa o ceendo coo kpow a sɔlanin duaa cuavaa nɔmnda o ba bɛngu.›

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

O Kandɔɔ 19:29

Kɛ telen Hala va cieon va o dɛɛlaa nin-ndon tɛɛmbuuo-o, mó loonun a Abraham. Mó ciindiaa vɛlɛ Lɔt a kpundɛ o tuisi kobila Lɔt va icali nin-ndan coo-o.

Tɔŋ lasálàá 18:25

Le kelala ndalan, mí lɛŋnde ndalen le siŋnun lɛŋnde nɔɔlɛilen, mí soaŋ lɛŋnde kalalen háá mí vanaa va lenin-nda sɛŋin.

Tɔŋ miingua 12:31

La caa dɛ! La tósà lende a Mɛlɛka Hala niaa le. Kani vanaa-mangalaa-isɔaa kan a va dɛnnda nɔɔlɛilan a ɲɛ Mɛlɛka yeema loo tosaa a halaa ndaa. A va bɛɛ hɔ́aa ndaa lomɔɔ le halaa ndaa kan sálàlan solullo.

Tɔŋ miingua 18:9

«Lɔ́ɔ́ niaa luɛinin o lɛŋnde Mɛlɛka Hala niaa ke niaa len nin-ndo, la tosa dɛnnda nɔɔlɛilan maa vanaa co icali lenin sunsun-nda le.

Tɔŋ miingua 20:18

yɔŋii nda pɛɛku niaa dɛnnda nɔɔlɛila nda co tosaa le halaa ndaa lan. Kani la tosa pɛ maa nda, mɛɛ la cua hakio a Mɛlɛka Hala niaa.

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.

Esekiɛl 36:32

Nduyɛ, o bɛnda mì la sina pɛngu maa o co le niaa le ya co kon tosa le. Sɔɛi fula Maalii o sondo-e co ken ni, Mɛlɛka pɛɛn. Le hee, niaa cuavaa Israɛlla, siɛmbulan la bɛnda mì la bii niaa, mì la cuu labɛɛ le kela niaa vɔɔndo!»

O Kandɔɔ 15:16

Kɛ nduyɛ, fɔ mí vanndacieea hiow lambilan lahiɔɔlu malan cuavaa nɔmaa imamaa muungu nanu. Kani Amoriia va vɔ nin kɔlvesɛiyo tosaa háá telen kon.»

Tɔŋ lasálàá 18:24

Niaa pila nɔɔlian a dɛnnda vaa lende tosaa le. Sɔɔn nɔɔlɛin mun koni vanaa ya co tovɔɔ niaa laci-a va tosaa ni, má nɔɔlian ya Mɛlɛka o hɔl.

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Tɔŋ miingua 18:12

Kani Mɛlɛka ce bɔɔ vanaa tosa dɛnnda lan-nda vanaa nɔɔlɛi bɛndu. Le tùú vanaa co icali o lɛŋnde niaa co kɔlan luɛyɔɔ nin-nden nin-nda a yɔngun dɛnnda lan-ndo Mɛlɛka Hala niaa co lɛŋnden hiɔlɔɔ nda o ba le niaa yɔngoo ni.