Tɔŋ miingua 9:3 - BII BILA

³ Kɛ la bɛnda mì la sina vɛlɛ hau maa Mɛlɛka Hala niaa co kɔlan niaa laci maa yinnde bɛndu. O tɛɛmbuunin vanaa kan, mò tosa ma ɲaanun niaa, mì la puu lɛŋnde ndalen, mì la cii nda tɛɛmbuu cɔ́-cɔ́ mɛɛ Mɛlɛka yiilu niaa kpemaa yɛ.

Tɔŋ miingua 9:3 Referans Kwoze

Tɔŋ miingua 4:24

Kani maa yinnde loam-nden Mɛlɛka Hala niaa co ni. Hala paŋalaa o co ni.

Hebreea 12:29

Kani yinnde tɛɛmbua len Hala naa co ni.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Tɔŋ miingua 20:4

Kani Mɛlɛka Hala niaa co kɔlan a niaa latulu. O cɔlɔbalnin niaa yaamɔaa niaa, mò baŋa niaa.›

Yosue 3:11

Kesu kpema Maalii co lɛŋnden kpow bollen-ndo taŋnin peo Yurdɛn niaa o hɔl.

Misee 2:13

Vana co niaa nɛiyo bulullo-o co kɔlan niaa laci. La sɔla baŋaa, la co tɛɛngei bulio, mì la va keiyo lon, mì la va fulaa. Masa niaa co kɔlan niaa laci, Mɛlɛka pɛɛn, o co simndan niaa laci-o.»

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Tɔŋ miingua 1:30

Mɛlɛka Hala niaa, o co kɔlan niaa laci-o, ndu pila cɔlɔbanin le niaa mɛɛ o cɔlɔba Esipte le niaa niaa pila kpow o hɔl-lɛ,

Yosue 3:14

O kon, mí vannda faŋan o dɔ́ɔ́ngɔ́ɔ̀ nin le Yurdɛn taŋɔɔ. Mí vanaa-solia-lasálàá va kɔlan a kesu kpemaa-a sim nda laci.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Marke 7:14

O kon kɔɔli, mó veelu vɛlɛ sɛ́lɔ́ɔ́, mó dimul nda aa: «Niaa kpede la yaŋ ya nilan mì la bii bila.

Matie 15:10

O kon kɔɔli, mí Yeesu veelu sɛ́lɔ́ɔ́, mó dimul nda aa: «La yaŋ nilan mì la bii bila.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Esai 30:30

O kon, Mɛlɛka solinin diom ndɔ lemasaa mò deŋi o kɔl ndɔ tuw bɛndoo nin, o cɔmnin ba ndɔ co o bɛɛndianndo le lɔɔ-o, o yelenyelen yinnde bɛndoo nin, o piɔɔ pɔ̀lɔ̀-pɔ̀lɔ̀ɔ́ bɛngu, o hoeyii fùkù-fùkùei nin, o loeon delian kpungban nin.

Esai 30:27

La tofa vɔ, Mɛlɛka pila hunnin! O fulanin o tàndá levillo nin mo hin. O co a kɔltuwvo taw, maa yinnde sɔngɔɲɔn kɔltuw ndɔɔ co ni, cɔcɔn co ndu n'piaan ca a kɔltuwvo, diɛɛmule ndɔlen vana ca kaa yinnde co kuuliaa len ni.

Esai 27:4

I co lɛ a kɔltuw le, kɛ te yɔɔn a siɛmbullon va pɛ lenin, i kuelnin yɔɔn mun a cɔwvo mì kɔ lom mun kpede.

Tɔŋ miingua 9:6

Lelan, la cɔɔlu sina ɲɛkɛndɛi maa o co le dɛnɛ niaa sandaa le Mɛlɛka Hala niaa co niaa lɛŋnde kɛndɛle len yɔngu le, kani vanaa nila kalua niaa co ni.»

Tɔŋ miingua 7:16

La bɛnda mì la diw vanaa-mangalaa-isɔɔa Mɛlɛka Hala niaa malnin niaa o ba-a kpow. La bɛnda mì la nɔ iɲíí a nda le, la sooluu halaa ndaa le, kani yaŋɔɔlen dɛnɛ kon vanin le niaa ni.

Fulaa 24:17

Israɛlla va biilu Mɛlɛka-o cɔu o pembei tullo maa yinnde bɛndu-bɛndu.

Masaa kialaa n'yamaa 4:14

Mí Debora dimul Barak aa: «Cɔn niko. Paalen nden hau Mɛlɛka co Sisera malɔɔ nɔm o ba ni. Mɛlɛka pila co kɔlan nɔm laci ni.» Mí Barak toal pembei Tabɔr a n'van vaala tɔ́a va ndu kɔɔli-a.

Fulaa 23:23

Kani mɛlɛkanɔ nuu vanin kɔlan niaa laci háá mo kɔ tiiya niaa o lɛŋnde Amoriia, Hitiia, Perisiia, Kanannda, Heviia a Yebusiia nin. Vanaa kan yɛ, i ciinin nda kpede.

Tɔŋ miingua 7:22

Kɛ nduyɛ, o pɔm-pɔmbɔ Mɛlɛka Hala niaa toawnin vanaa-mangalaa-isɔaa co niaa laci-a ni. La nɔ́lànin nda tovɔɔ o lepilɔɔ kpow le, yɔŋii visia biyaa kuilul niaa taw-taw.

Tɔŋ miingua 20:1

«Lɔ́ɔ́ niaa kɔanin o cɔwvo le yaamɔaa niaa cɔlɔbaa-o, te la ce pɛ soa ndaa, ɲɛla ɲaanannda ndala soa nan-ndan a vanaa ndaa cɔwva sɛ́lɛ́ bɛndoo hiovɔɔ a niaa coo, la yɔŋ isiòòn te. Kani Mɛlɛka Hala niaa, o soli niaa Esipte-o co niaa ikɛi.

Yosue 11:8

Mí Mɛlɛka mal nda Israɛlla o ba, má diw nda. Má toaw nda háá o kobi bɛndoo Sidɔn, kɔlan háá Misrefɔt-Maim a o bóllo Mispa a ba paalen le can-ndo. Má diw nda, hali vana pilɛ a mɛi yoomu le.

Yosue 11:12

Mí Yosue nɔla masaa mɔsɔŋian kan-nda kpow, mó bii kobila ndalan. Mó diw masaa kan a vanaa va icali o kobila lan nin-nda kpow mɛɛ Moise vana baala Mɛlɛka-o ndóò dimul ndu yɛ.

Yosue 14:12

Lelan, ke ya niko pembii Mɛlɛka yii paale len kpemaa le ya yɔngoo-e. Kani nɔm pila tuei ɲinkon maa cuavaa-imamaa Anak-a co lon o kobila bɛndula mayoomulan nin. Kɛ Mɛlɛka co ya ikɛi, i co lakɔ nda tovɔɔ maa mɛɛ o yiilul-la kpemaa yɛ.»