Tɔŋ miingua 9:2 - BII BILA

² Vanaa kan a nɔ kpaayaa taw, a bandu vɛlɛ taw. O polale Anak len nin nda fula ni, a niaa sina kan-nda pɛɛn. La tuei nin vɛlɛ sɔɛi he aa: ‹Nɛ̀ɛ́ nɔla yɛnin mò simul cuavaa-imamaa Anak-a?›

Tɔŋ miingua 9:2 Referans Kwoze

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Daniɛl 11:16

O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

Daniɛl 8:4

Mí ca saa kóndóó, o va kundɔɔ a ba paalen le del-lo, a ba too a á ba luaŋ-ndo a leela ndɔlan. Visi oo visi óò nɔla ndu simullo le. Vana-vana óò nɔla ɲɛ-ɲɛ hiɔlɔɔ ndu o ba le, ɲɛ hɛnan ndu-o o va tosaa ni. Mó sɔla kpaayaa taw.

SƐBƐ YƆB-O 11:10

Te ndu Hala va pɛ hiownɔnndo, mò kei vanndo biyɔɔ le ndu malɔɔ o kaasoo, mò kɔɛ a ndu o fonda ndɔ kialaa n'yamaa, nɛɛ nɔla yɛnin mò simul ndu?

Tɔŋ miingua 7:24

O malnin masaa ndaa niaa o ba, mì la ɲumi diola ndalan o lɛŋnden coo. Vana-vana nɔlanin niaa simullo le. La co nda cii diw kpow.

Tɔŋ miingua 2:21

Vanaa kpaayaa, sɛ́lɛ́ bɛndoo a vanaa bandu taw-va vanaa kan va ni maa cuavaa-imamaa Anak-a. Kɛ mí Mɛlɛka ke poaa Amɔn-nda yoomuan, má diw vanaa kan, má hialu lɛŋnde ndalen, má cal o fonda ndaa.

Kundalan 13:33

Mí n ca vɛlɛ vanaa vilɛi-vilɛiya lon, cuavaa-imamaa Anak-a pɛɛn, a fula o polale vanaa vilɛyaa kan nin-nda. Tuma naa n tiiya vanaa kan o hɔl-lo, naa pila n va cɔnnɔnndo maa n'sóónɔ, lende koni nda bɛɛ va naa cɔu ni.»

Kundalan 13:28

Kɛ nduyɛ, vanaa co lenin-nda nɔ bɔɔ kpaayaa, kobila bɛndulan pila nda nɔ ni, la co vɛlɛ o kpakilan nin. Mí n ca vɛlɛ bɛɛ cuavaa-imamaa Anak-a.

Fulaa 9:11

Vanaa mangalaa Esipte a nɔla lɛ le hunɔɔ simndan Moise o hɔl o kon te, kani nda bɛɛ mí piɔŋndan la fula nda mɛɛ la fula Esiptea tɔ̀a yɛ.

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Yosue 11:21

O telen kon, mí Yosue kuel vanaa fula o polale Anak len nin má va icali o pembon Hebrɔn coo, o pembon Debir coo a o mun Anab coo-a a á va o tàndá n'pemboo Yuda nin a o tàndá n'pemboo Israɛl nin-nda a cɔwvo. Mó diw nda, mó tɛɛmbuu kobila ndalan kpow.

Yosue 11:22

O vanaa fula o polale Anak len nin-nda tɛɛn, o kɛ́-kɛ̀ lo lɛ icali o lɛŋnde Israɛlla nin te, fɔ Kaasa, Kat a Asdɔd daama nda va nin ni.

Yosue 15:14

Mí Kalɛb toaw yungula poaa yáá-aa Anak-a: yungu Sesai-yo, yungu Ahiman-ndo a yungu Talmai-yo.

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.