Tɔŋ miingua 9:1 - BII BILA

¹ «Niaa Israɛlla, la yaŋ nilan! La co hau peo Yurdɛn taŋɔɔ le kɔlan vanaa-mangalaa-isɔɔa hiow niaa kpaayaa a sɛ́lɔ́ɔ́-a tovɔɔ, mì la hɛlu kobila bɛndulan a kobila co lakungaalan a kpakio háá o halataala lan.

Tɔŋ miingua 9:1 Referans Kwoze

Tɔŋ miingua 11:31

Kani o lo cɔɔlu cobe mì la taŋ peo Yurdɛn, le kɔlan lɛŋnde Mɛlɛka Hala niaa ke niaa len hiɔlɔɔ. La hialunin nden mì la cal lenin.

Tɔŋ miingua 4:38

haliko mo tow vanaa-mangalaa-isɔaa hiow niaa vaa sɛ́lɛ́ má hiaw niaa kpaayaa-a niaa laci, le niaa lueiyo o lɛŋnde ndalen nin a le niaa lɛŋnde len yɔngoo maa kɛ́, mɛɛ o co hunɔɔ tosa o paalen nden nin hau yɛ.

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Yosue 1:11

«La balu yondaa o dɔ́ɔ́ngɔ́ɔ̀ nin, mì la dimul vannda aa: ‹La bɛɛndiaa ɲɛm dian, kani nanu a palɛi yaa, la co peo Yurdɛn taŋɔɔ mì la kɔ hiɔlu lɛŋnde Mɛlɛka Hala niaa yɔngu niaa len.›»

Tɔŋ miingua 11:23

o hialunin vanaa-mangalaa-isɔaa co niaa laci-a lɛŋnden a ɲɔɔn o ba le niaa yɔngoo, mì la loo lɛŋnde vanaa hiow niaa sɛ́lɔ́ɔ́ a kpaayaa-a.

Tɔŋ miingua 7:1

«Lɔ́ɔ́ Mɛlɛka Hala niaa lueinin niaa o lɛŋnde niaa co kɔlan luɛyɔɔ nin le len hiɔlɔɔ len nin-ndo, te o tow pɛ Hitiia, Kirkasiia, Amoriia, Kanannda, Perisiia, Heviia a Yebusiia niaa laci, vanaa-mangalaa-isɔɔa kundala ŋɔmmɛvaa hiow niaa kan sɛ́lɔ́ɔ́ a kpaayaa-a,

Tɔŋ miingua 3:18

O telen pilɛ kon, mí dimul nda sɔɔn mun: ‹Mɛlɛka Hala niaa yɔngu niaa lɛŋnden nden kɛ́ɔ. Kɛ o niaa tɛɛn, vana-vana nɔla le ɲɛm cɔwvon cuaa le cɔwvo, ndu cua mun mì la sim puapilɛa niaa, Israɛlla laci a volɔɔla cɔwlan o laba.

Yosue 4:19

Paangii tasei va malɔ tɔ́, mí Israɛlla faŋan Yurdɛn, má kɔ kila caltan Kilkal, o pɛɛngulan Yeriko a ba paalen le can-ndo.

Yosue 4:5

mó dimul nda aa: «La hiow kesu Mɛlɛka Hala niaa laci, mì la tol Yurdɛn o peo kɔllo, mì vana-vana o niaa tɛɛn siilun powvo o pilɛ o congú, mì powta lan la va mɛɛ polama Israɛlla ma co sɛ́lɛ́ yɛ.

Yosue 3:16

mí mɛmma va cɔnɔnndo a ba luaŋ-ndo-an ma sim, mí ma cuungian nɛɛ pilɛ nɛɛ levil o kobio Adam ikɛi, o co Sartan ikɛi-yo pɛɛn. Mí ma va tuusoo-an man ma va kɔlan delɔɔ o mɛmma va o bóllo Araba nin-ndan coo, mɛmma hɛlii bɛnduan pɛɛn, mí ma kiolu kpali. O kon mí Israɛlla taŋ Yurdɛn o kobio Yeriko hɔl-ndɔ.

Yosue 3:14

O kon, mí vannda faŋan o dɔ́ɔ́ngɔ́ɔ̀ nin le Yurdɛn taŋɔɔ. Mí vanaa-solia-lasálàá va kɔlan a kesu kpemaa-a sim nda laci.

Yosue 3:6

O kon kɔɔli, mó dimul vanaa-solia-lasálàá aa: «La cua kesu kpemaa, mì la sim vannda laci.» Má cua ndu, má hiaw vannda laci le kɔlan.

Tɔŋ miingua 27:2

Paale niaa taŋnin Yurdɛn le luɛyɔɔ o lɛŋnde Mɛlɛka Hala niaa yɔngu niaa len nin-nden, la tɔl powta bɛndulan lɛŋ, la yikpa lan a pɔ́w humboo.

Kundalan 13:22

Má hel a ba Nekɛv-vo, má tiiya háá Hebrɔn, nɛɛ yungula Ahiman, Sesai a Talmai lan la va icali-a, cuavaa-imamaa Anak-a pɛɛn. Hebrɔn kiolɔnndo, vɔsilan tan ŋɔmmɛw o kon kɔɔli, má kialu Soan o lɛŋnde Esipte len nin.

O Kandɔɔ 11:4

Má dimulan vɛlɛ aa: «N tangulun kobio, mì n baŋnun cɛi coocoo, mì bolle ndɔlen le tiiya háá o halataala. N tosa pɛ lende, n pɛlnun ladio, handɔɔ o kon coo, n ve lɛnin a saŋnannda o lɛŋnden coo le.»

Tɔŋ miingua 6:10

Lɔ́ɔ́ Mɛlɛka Hala niaa lueinin niaa o lɛŋnde o yiilu fuɲaa niaa mamaa Abraham, Isaak a Yakɔb kpemaa le niaa yɔngoo len nin-ndo, la komalnin kobila bɛndula kɛndɛ-kɛndɛla niaa tengul te lan ndon.

Daniɛl 4:11

Mó deŋi coocoo aa: «La kioŋ yɔmndo ho! La kilikili lɛvun ndɔn! La keenduu pei ndɔɛi kpow! La sɛŋi kulun ndɔn yaa-yaa! Mì visia piɔl a kiltan, mà faŋan lebɛngu, mì yowva mɛi vɛɛnde, mà ɲaanun!

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

Kundalan 33:51

le Israɛlla sɔɔn mun tɛɛngullo aa: «Te la taŋ pɛ peo Yurdɛn, mì la tiiya o lɛŋnde Kanaan-nden nin,

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Yosue 1:15

háá mì Mɛlɛka ke nda pɛngio mɛɛ o ke niaa pɛngio yɛ. Mì nda bɛɛ luɛi, mà kɔ cal o lɛŋnde Mɛlɛka Hala niaa yɔngu nda len nin. O kon, la muungu niko, la cal o lɛŋnde Moise vana baala Mɛlɛka-o ke niaa o peo Yurdɛn leeloo, a ba paalen le can-ndo len nin.»

Yosue 14:12

Lelan, ke ya niko pembii Mɛlɛka yii paale len kpemaa le ya yɔngoo-e. Kani nɔm pila tuei ɲinkon maa cuavaa-imamaa Anak-a co lon o kobila bɛndula mayoomulan nin. Kɛ Mɛlɛka co ya ikɛi, i co lakɔ nda tovɔɔ maa mɛɛ o yiilul-la kpemaa yɛ.»

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.