Tɔŋ miingua 8:8 - BII BILA

⁸ Tɔlɔɔla naŋ o lɛŋnde len nin taw lan la co lan ni: maalon, ɔrse, rɛsɛnndon, vooson, krenadiee, oliviee a lɛan.

Tɔŋ miingua 8:8 Referans Kwoze

Nsaŋ 6:13

Má cɔwviaa lan, mí ɲɛla bingi-bingila vannda dema fulaa o bulula ŋuɛɛnula ɔrsela lan nin-ndan la pia kambɛilan tɔ́ a latiɔn.

Condii lisai 147:14

O co lɛŋnde niaalen kɔlɲuloo yɔngoo, mo va niaa baloo yɔngoo taw.

Tɔŋ miingua 32:14

Mó yɔngu nda nɔnɔma nawva a nɔnɔma saa. Mó yɔngu nda visin macuɛin saa téndéa, visin macuɛin saa kóndóa Basan a visin macuɛin cuinaa toovia. Má pum ɲɛdiaa malun kɛndɛ-kɛndɔɔ, má kol mɔima siaŋan, mɔima fula o rɛsɛŋun kɛndɔn-ndan.

Nsaŋ 6:9

«Poombɔɔ pum nɔ bulula ɔrselan nanu tan ŋuɛɛnu a suwva nda ŋiɔn, kɛ kan co ɲɛ-ɲɛ le sɛ́lɛ́ bɛndu vaa nuaa le.»

Habakuk 3:17

Vooson yendu lɛnin te few, rɛsɛnnda tumndan la kum ndɛnin rɛsɛnndon te. Olivieela tumndan la ve lɛnin komɔɔ le, ɲɛ-ɲɛ ve lɛnin naŋɔɔ o yondola valtan nin te. Saa cuunin o hèélan nin, mì nawva cuu o vɔ̀lɛ́lan nin.

Misee 4:4

Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.

Osee 2:22

I sɔlanin nɔm o nɔ̀u nin a lou o lediom coo. O kon, a sinanin maa ya co Mɛlɛka ni.»

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Esekiɛl 27:17

Tàndá Yuda-o a lɛŋnde Israɛl-ten kpow le va yulalen tosaa a nɔm, a va hunɔɔ a kulun fula Minnit-on o lɔ́ɔ́ nɔmndo nin: ɔrse, lɛan, cuɛiyan a ansan.

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Esai 7:23

O palɛi ken nin, fonda oo fonda rɛsɛnndon va pɛ n tɔalaa coo tumndan vàá pilɛ, mì vɔngu fonda kon bɛnda volin latámán vàá pilɛ, fonda kon malnunnin mì hɛɛnndon a siɛmbulle vil lon.

1Masaa 5:11

Mó hiaw vannda kpow kɔlkaloo, mó hiaw Etan Ɛsrahiinɔ, Heman, Kalkɔl a Darda, poaa Mahɔl-la kɔlkaloo. Lelan, mí tɔ́ɔ́ ndɔɔ kela vanaa-mangalaa-isɔaa va o tàndá kon nin-nda kpow tɛɛn.

2Samiɛl 4:6

Má luɛi cɛinin di maa a n'malu o lebol. Má komal Is-Bosɛt o sandaa sakpo o kpele ndɔɔ coo o ndu lo cɛinin, má buli ndu demboo. Ndáà ciiyo ndu diyɔɔ, má kialu ndu bollen. O kon kɔɔli, mí Rekab nda Baana puapilɛ ndɔ a cua bolle len, má ɲaanun. Má lɔl kɔlan pii o nɛi kɔɛ a kpengii Araba-e-o coo.

Condii lisai 81:16

O kon, vanaa nɔ nɛyɔnndo a Mɛlɛka-a va ndu Mɛlɛka sangala, mì Israɛlla ndáà vannun a kɔlkɛsiaa lɔ́ɔ́-lɔ́ɔ̀.

O Kandɔɔ 49:11

O baanin sofɛlɛ ndɔɔ o rɛsɛn tumndo, mò baa sofɛlɛ cuaa o lɛwve ipilɛ. O tɔaanin doma ndɔɔ o mɔiyan nin, mò cɛkɛla doma ndɔ bɛndoo o mɛmma n'rɛsɛnndan nin.

Tɔŋ miingua 8:7

«Ɲɔɔ bendu lɛ le mì Mɛlɛka Hala niaa luei niaa o lɛŋnde kɛndɛlen nin, lɛŋnde mɛnndan ma co nin taw len, lɛŋnde dalalan a peela pɔmbɔlan la co nin taw len, mɛmma man ma co fulaa o pembon coo a o bóltan nin.

Tɔŋ miingua 8:9

La venin ɲɛdiaa dioo a buulanndo le siɔdii o lɛŋnde len nin te, kani ɲɛ-ɲɛ venin niaa lepɛŋ te. Cilinndon co o powta co o lɛŋnde len nin-ndan nin, la vanin daɲan kalaa o pembun co o lɛŋnde len nin-ndon.

Tɔŋ miingua 32:13

Mó heelu nda o pembun lelɛŋndon coo, mó dɔaw nda balo a ɲɛm vaanun o ciɛɔn nin-ndon, mó yɔngu nda lɛma luɛi o powta kpovalan nin-ndan le deembuuo, mó dɔaw nda balo a cuɛima fula o powta bandílálan nin-ndan.

Kundalan 13:23

Mɛɛ nda tiiya o dɛɛla bɛndoo Ɛskɔl nin, má kialu lɛvi rɛsɛn tumndo, rɛsɛnndon va lon kpɔ̀nyɔ̀ɔ́. Le tùú kpɔ̀nyɔ̀ kon ndóò lusul taw-vo, má landu ndu o yɔmndo, mí vanaa ŋiɔn cua ndu. Má cua vɛlɛ krenadeon a buumbun koaman.

Tɔŋ miingua 6:3

Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.

2Masaa 18:32

háá mi hin, mì hun kɔ a niaa o lɛŋnde velan a lɛŋnde niaalen-nden nin, lɛŋnde maalon, mɔiyan, buloo, rɛsɛnndon, oliveon macuɛiyon a lɛan ma co nin-nden, o kon la vanin yoomu, la vinin te. Lelan la yaŋ Esekia lani le few! Kani o dimi pɛ aa Mɛlɛka co niaa hunɔɔ baŋa, yeemɛi bii niaa le ndu delɔɔ kɔɔli.

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›