Tɔŋ miingua 8:7 - BII BILA

⁷ «Ɲɔɔ bendu lɛ le mì Mɛlɛka Hala niaa luei niaa o lɛŋnde kɛndɛlen nin, lɛŋnde mɛnndan ma co nin taw len, lɛŋnde dalalan a peela pɔmbɔlan la co nin taw len, mɛmma man ma co fulaa o pembon coo a o bóltan nin.

Tɔŋ miingua 8:7 Referans Kwoze

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

O Kandɔɔ 49:11

O baanin sofɛlɛ ndɔɔ o rɛsɛn tumndo, mò baa sofɛlɛ cuaa o lɛwve ipilɛ. O tɔaanin doma ndɔɔ o mɔiyan nin, mò cɛkɛla doma ndɔ bɛndoo o mɛmma n'rɛsɛnndan nin.

Tɔŋ miingua 8:6

Le hee, la bìí tɔŋnda ndɔlan, la kela o nɛila o cɔm niaa lan coo, mì la nɔ siòòŋii ndɔɛi.»

Tɔŋ miingua 8:8

Tɔlɔɔla naŋ o lɛŋnde len nin taw lan la co lan ni: maalon, ɔrse, rɛsɛnndon, vooson, krenadiee, oliviee a lɛan.

2Masaa 18:32

háá mi hin, mì hun kɔ a niaa o lɛŋnde velan a lɛŋnde niaalen-nden nin, lɛŋnde maalon, mɔiyan, buloo, rɛsɛnndon, oliveon macuɛiyon a lɛan ma co nin-nden, o kon la vanin yoomu, la vinin te. Lelan la yaŋ Esekia lani le few! Kani o dimi pɛ aa Mɛlɛka co niaa hunɔɔ baŋa, yeemɛi bii niaa le ndu delɔɔ kɔɔli.

Condii lisai 106:24

O kon, mí lɛŋnde kɛndɛle len le kuisin nda, a laalan sɔɔn Mɛlɛka dimi-on te.

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Esekiɛl 17:5

Mó cua tɛyii yɔmndo pum o lɛŋnde len nin, mó kɔ saani ndi. Mó tɔal ndi o mɛmma bɛnduan kɔngɔ, mó tɔal ndi maa yɔm pɔmbɔ.

Masaa kialaa n'yamaa 18:10

Te la tiiya pɛ, la komalnin vanaa tiindan nda pila-a icali lon. Lɛŋnde len le co lebɔɔ. Hala cii len malɔɔ niaa o ba. O ɲɛm co o lɛŋnden coo-on nin, ɲɛ-ɲɛ bii vana lepɛŋ o fonda kon te.»

Condii lisai 104:10

Nɔm Mɛlɛka soli peela leboltan o bóltan nin ni, la co tolɔɔ o pembon tɛɛn.

Esai 5:1

«I co condei soli le caan ni ya kaola taw-vo, i co condei soli le can ni kon a rɛsɛn-tum ndɔɔ o kɔɔ. Caan ni ya kaola taw-vo ndóò nɔ nakɔ n'rɛsɛnndo o pembii pɔmbɔɛi tɔlɔɔ naŋ coo-e coo.

Esai 36:17

háá mì hin, mì hun kɔ a niaa o lɛŋnde co maa lɛŋnde niaalen nden nin, lɛŋnde maalon a mɔiyan ma co nin-nden, lɛŋnde ɲɛdiaa a rɛsɛnndon co nin-nden.