Tɔŋ miingua 8:5 - BII BILA

⁵ Lelan, la yiyan o sɔɔn mun coo, la bìí bila maa Mɛlɛka Hala niaa co niaa pɛɛkoo mɛɛ fuɲaa pɛɛku hɔ́ɔ́ ndɔɔ nuaa yɛ.

Tɔŋ miingua 8:5 Referans Kwoze

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Talelan 3:12

Kani sɔɛi Mɛlɛka soaa vana o kaola-o ni le ndu silaa, mɛɛ fuɲaa soaa hɔ́ɔ́ ndɔɔ nuaa le ndu silaa yɛ.

2Samiɛl 7:14

Ya pila vanin fuɲa ndɔ ni, mì ndu va po nuu. Te o hun pɔw pɛ, i bandìlanin ndu mɛɛ vanndacieea bandìla vana nuaa yɛ. Te o tɛɛmbuu pɛ, i koŋ ndu mɛɛ vanndacieea koaŋ vana nuaa yɛ.

1Korɛntea 11:32

Kɛ Mɛlɛka kialunin naa iyama, mò mingi naa o nɛi, o kon n sɔlanin yaalaa a ceendo latulu le.

Condii lisai 94:12

Duaa co le vana n co silaa a sionnden-ndo Mɛlɛka, vana n co tɔŋ nɔmndo pɛɛkoo

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

Condii lisai 89:32

taa tɛɛmbuu pɛ silala nilan, mà kɛɛ le tɔŋnda nilan biyɔɔ,

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Esai 1:3

Nawvo sinà vana nɔ ndu-o, sofɛlɔɔ sinà hèé vana ndɔ bɛndoo. Kɛ Israɛlla nda sinà ɲɛ-ɲɛ le, yungu nuu bii ɲɛ-ɲɛ bila le.

Tɔŋ miingua 4:36

O tosa mí la tuɛi diom ndɔɔ fulaa o halataala le niaa pɛɛkoo. O lɛŋnden coo, mó cɔm niaa yinnde ndɔle bɛndulen, mí la tuɛi diom ndɔɔ sɔɛi lenin.

Tɔŋ miingua 8:6

Le hee, la bìí tɔŋnda ndɔlan, la kela o nɛila o cɔm niaa lan coo, mì la nɔ siòòŋii ndɔɛi.»

Talelan 13:24

Vana kɛɛ pɛ le hɔ́ɔ́ ndɔɔ sionnden holɔɔ, mɛɛ o yeema ndu le. Kɛ vana yeema hɔ́ɔ́ ndɔɔ-o, o kiisan le ndu bandìlaa le.

Vana Kɔlkaloo 7:14

Telen dɛnɛ kɛndɔɔ, náŋ kɔl! Telen dɛnɛ palaa, kééla kɔllo. Kani Hala soli dɛnɛ kɛndɔɔ a dɛnɛ palaa ni. Lelan, vanacieo tiwba mo sina siɔdii ndɔɔ le.

Tɔŋ miingua 1:31

lende koni i yɔŋnun o lɛŋnde veselɛilen nin ni. Lon niaa sina ni maa Mɛlɛka Hala niaa landu hɔlla niaa coo mɛɛ fuɲaa landu hɔlla po ndɔɔ coo nuaa yɛ. Nɛɛ-nɛɛ niaa kei, lende o lo niaa hɔlla landɔɔ coo ni háá mi la hun tiiya nanu.›

Talelan 3:11

Po nuu sei! Ca sila Mɛlɛka-o ɲɛ fondoo le, nɔ nɛyɔnndo a kanalan ndɔɔ le.