Tɔŋ miingua 8:2 - BII BILA

² La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Tɔŋ miingua 8:2 Referans Kwoze

Nsaki 1:3

mì la sínà maa tɔɔndan niaa kɔlɔɔ solio, ndu koam biuvɔnndo ni.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Fulaa 16:4

O kon mí Mɛlɛka dimul Moise aa: «Tofa vɔ, i co niaa ɲɛdiaa tuisi coo fulaa o halataala. Vannda vanin fulaa lepalaa-lepala, mà va ndu cɔwviaa mɛɛ o tiw le paale len yɛ. I co vɔ nda tɔɔndan lende, haliko mi sina taa biinin silala nilan, te kon te taa biinin ndan te.

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Fulaa 15:25

Mí Moise piɛi Mɛlɛka, mí Mɛlɛka cɔm ndu yɔmndo súúo pum. Mí Moise mal yɔm kon o mɛmma man nin, mí ma muungu makɛndɛ le kolɔɔ. Lon Mɛlɛka yɔngu nda silalan ni, mó cɔm nda ɲɛ nda bɛnda le tosaa-o. Lon koni o tɔɔndan nda vɛlɛ ni.

Nsaki 4:10

La tuisin tootoo Mɛlɛka o hɔl, mò heelu niaa.

Nsaŋ 2:25

Hali mi vanáà cɔm ndu bɛɛ isɔɔ a vanacieo o kɔɔ le, kani ndóò sina ɲɛ co vanacieo o kɔl-lo.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

Tɔŋ miingua 29:5

La ve bulu dio le, la ve mamɔi a mɔima nɛyaa kolɔɔ le, kon tosan haliko mi la sina maa ya co Mɛlɛka Hala niaa ni.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Amɔs 2:10

Nduyɛ, ya Mɛlɛka, ya soli niaa Esipte ni, mí heelu a niaa, mí sim niaa laci o lɛŋnde veselɛilen nin, o vɔsilan belehiɔɔlu bɛngu, haliko mi la hun hiɔlu lɛŋnde Amoriia.

Esai 2:17

Siɛmbulan la biinin vanaa heelannda mì vanaa kuundiannda tol tootoo mɔlɔmɔlɔ. Mɛlɛka ndu pilɛ kpé sɔlanin heeloo ɲinkon ni!

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.

Condii lisai 136:16

O yɛɛ vanaa ndɔa o lɛŋnde veselɛilen nin-ndo, kani kaola ndɔɔ nɔ lamɛɛlu le.

Condii lisai 106:7

Telen fuɲaa naa mamaa va Esipte-o, a luei dɛnnda kaamaala n tosa lan yii le, má pɔɛɛnun dɛnnda kɛndɛla n tosal nda lan, má kindi nilan o mɛmma ihɛllan kɔngɔ, mɛmma ihɛlma makpɛ̀ndɛ̀an pɛɛn.

Condii lisai 81:7

‹I faŋa volɔɔ lusulaa niaa o congú, mí soli niaa o baalala nda va niaa baŋɔɔ tosaa lan nin.

Condii lisai 77:11

I co dimio aa: ‹Ɲɛ co ya palaa-o ndu co ni ndu co ni maa Ó-Hiow-Ɲɔɔn-Kpow-vo co lɛ naa mala maa paandu le.›

SƐBƐ YƆB-O 33:17

le nda faŋaa o nɛila dɛnnda vɔɔnndan coo, a le nda kandaa a dɛnnda kuundianndan.

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

Tɔŋ miingua 13:3

hali sɔɛi o dimi-e te kon te lɔma o sɔl-lan ma peelun, te o dimul niaa pɛ aa: ‹La n kɔnnun mì n kɔ soolun halaa celeŋaa naa n sina le-a›,

Tɔŋ miingua 7:18

Kɛ siòòŋii bii niaa a nda le. La loonun-ndɔ a ɲɛ Mɛlɛka Hala niaa tosal masaa Esipte a lɛŋnde len kpow-vo.

Tɔŋ miingua 1:33

Nduyɛ, ndu va kɔlan niaa laci le niaa fondala niaa bɛnda le dɔ́ɔ́ngɔ́ɔ̀ kilaa lan nuwviallo ni. Icɔl, o va kɔlan niaa laci o tindile leyinnden nin le niaa nɛi niaa va kɔlan coo-o teengiallo, ipala o va kɔlan niaa laci o tindile ikumnden nin.

Tɔŋ miingua 1:3

Vɔsilan belehiɔɔlu o cɔnɔn ndaa Esipte kɔɔli, o paale taselen coo o paangii tɔ́ a ipilɛndɔɛi nin, mí Moise tɛɛngul Israɛlla sɔɔn Mɛlɛka sɔɔ ndu o sondo le nda-on kpow.

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Fulaa 16:35

O vɔsilan belehiɔɔlu bɛngu Israɛlla de manne ni. A lo ndu dioo háá má tiiya o pɛɛngulan a lɛŋnde Kanaan-nden.

Fulaa 20:20

Mí Moise mulul nda aa: «La yɔŋ isiòòn te. Le niaa tɔɔndanndo Hala hin ni, haliko mi la nɔ bɛɛle ndɔlen, yɔŋii niaa tosa hakio.»

Kundalan 14:33

Poaa niaa co lo hiŋnɔnndo lenin a cɔlua ndaa mandaa háá le vɔsilan belehiɔɔlu. Simul niaa simul-la-o, poaa niaa lonin sanga kon sɔlaa háá mì niaa pila cuu vu o lɛŋnde veselɛilen nden nin.

Masaa kialaa n'yamaa 2:22

A nda ya co Israɛlla tɔɔndan ni, le sinaa taa lonin o nɛi nuu coo mɛɛ fuɲaa ndaa lo lecoo yɛ.»

Masaa kialaa n'yamaa 3:4

A vannda ha Israɛlla sɔla tɔɔndanndo ni, haliko mi Mɛlɛka ndóò sina te ndáà biinin tɔŋnda ndóò kei Moise o ba le fuɲaa ndaa mamaa tɛɛngullo lan.

Nehemi 9:19

nɔm, a kaola nɔm nɔ lamɛɛlu loo, a mel nda o lɛŋnde veselɛilen nin te few! Tindile ikumnden le va nda vɛlɛ simndan laci, le va nda nɛiyo cɔmndo ipala, le faŋan nda ikɛi le, vundule leyinnden bɛɛ le va nda nɛiyo teengiaa laci icɔl o kɔlan.

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Tɔŋ miingua 32:7

La loonun-ndɔ a palɛi paanduei o kɔɔ, la yiyan-ndɔ a vɔsila hiow lan, mì la ɲuna isɔɔ a lambila hiow lan o kɔɔ. La ɲuna fuɲaa niaa mà cɔm niaa, la ɲuna kaasoŋaa yuuvɛiya, mà pɛɛku niaa lecoo.

Condii lisai 103:2

A toɲa, i yeema mì mel Mɛlɛka balika a kɔl nuu kpow. I pɔɛɛnunnin dɛnnda kɛndɛla ndɔlan te, o pilɛ bɛɛ.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?