Tɔŋ miingua 8:12 - BII BILA

¹² Te la kɔ va pɛ dioo a pumndo, te la kɔ tangul pɛ cɛila kɛndɛlan mì la va lenin,

Tɔŋ miingua 8:12 Referans Kwoze

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Tɔŋ miingua 32:15

Kɛ mɛɛ Yesurun de mó luɛi cuɛiyan, mó kandu nila kalulan tosaa. Mó kɛɛ Hala cɔw ndu-o, mó pɛɛsa Pow kpova baŋa ndu-o.

Tɔŋ miingua 28:47

Kani te la tósàl Mɛlɛka Hala niaa vallo a kɔlkɛndɔɔ a ɲaaloo telen niaa nɔ ɲɔɔn o ba taw-vo le,

Luke 17:28

Ɲɔɔ yɔŋnunnin vɛlɛ maa o palɛi Lɔt-e. Vannda va dioo ma va kolɔɔ, a va ɲɔɔn piondɔɔ ma va pisio, a va tɔlɔɔ ma va tangullo,

Aasee 1:4

«Vɛ̀ɛ̀ telenndo tiiya le niaa pila, mì la vannun o cɛila sɔvɛla kɛndɛ-kɛndɛlan nin, mì Cɛi nuu vá o piɔlɛiyo?»

Amɔs 5:11

A vɛlɛ, la co vana bala fondoo nɛwvo o lebol, la co ndu malun ndɔn poondaa o ba a paa-kala. Lelan, cɛila niaa tangul tan a powtan-ndan, la luenin lenin te few. Rɛsɛŋun kɛndɛ-kɛndɛn niaa tɔl mun-ndon, la kolnin mɔima ndɔan te.

Vana Kɔlkaloo 2:4

I tosa baalala bɛndulan taw. I tengulun cɛilan mí tɔal rɛsɛnndon taw.

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.

Esekiɛl 11:3

Nuaa nda co dimio ni aa: ‹N co keleŋa lacɛi tangul te. Kobio ho, kpɛɛnɛi o co ni, naa n co lenin nda vision naa n co ni.›

Tɔŋ miingua 8:13

te cɔlua niaa bɛndua a à pɔmbɔa kɔ kui pɛ taw, te volion a sianion kɔ kui pɛ niaa o ba, te ɲɛm niaan kpow n kui pɛ,

Tɔŋ miingua 6:10

Lɔ́ɔ́ Mɛlɛka Hala niaa lueinin niaa o lɛŋnde o yiilu fuɲaa niaa mamaa Abraham, Isaak a Yakɔb kpemaa le niaa yɔngoo len nin-ndo, la komalnin kobila bɛndula kɛndɛ-kɛndɛla niaa tengul te lan ndon.