Tɔŋ miingua 8:11 - BII BILA

¹¹ Kɛ la caa dɛ! Yɔŋii niaa pɔɛɛnun Mɛlɛka Hala niaa, mì la kɛɛ le tɔŋnda ndɔlan, silala ndɔlan a sɔɔn ndɔn ya co niaa hau tɛɛngullo-on biyɔɔ.

Tɔŋ miingua 8:11 Referans Kwoze

Condii lisai 106:21

Má pɔɛɛnun Hala, vana ciindiaa nda-o, o tosa dɛnndan taw o lɛŋnde Esipte len nin-ndo,

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

Condii lisai 103:2

A toɲa, i yeema mì mel Mɛlɛka balika a kɔl nuu kpow. I pɔɛɛnunnin dɛnnda kɛndɛla ndɔlan te, o pilɛ bɛɛ.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Tɔŋ lasálàá 13:48

o va o kola toosian a funnden-ndo coo, o va o kola fengbɔɔ coo, o va o kola keesoo coo, o va o yáw visio coo, o va o ɲɛ toosian a yáw visio-o coo sɔŋnda lan la fula ni,

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 6:11

La komalnin cɛilan lapiaalan a ɲɛm kɛndɛn súú-súù ka, n niaa cuungiaa loon. La komalnin soonnda mandaa mamɛnndan latoavaa, la niaa tuw le lan. La komalnin vɛlɛ nakɔla n'rɛsɛnndan a nakɔla olivieela niaa tol te lan. Lɔ́ɔ́ niaa dianin ɲɛdiaa mi la pim ca-o,

Tɔŋ miingua 7:11

Lelan, la bii tɔŋndan, silalan a sɔɔn ya co niaa mun hau dimullo-on, mì la kela lecoo.

Tɔŋ miingua 11:32

La kindin mì la bii tɔŋndan a silala ya yɔngu niaa hau lan kpow.»

Masaa kialaa n'yamaa 3:7

Mí Israɛlla tosa ɲɛ hɛnan Mɛlɛka Hala ndaa loo, má pɔɛɛnun ndu, ma mulin Baal a Asera sooloo.

Yeremi 23:27

A yeema mi vanaa nia pɔɛɛnun a ya, a lɔma sɔlaama nda co cɔu vellaa-velle-an. Lende koni fuɲaa ndaa mamaa ndáà pɔɛɛnun ya ni, má mulin o Baal lo.