Tɔŋ miingua 8:1 - BII BILA

¹ «Tɔŋnda ya co niaa yɔngoo hau lan kpow, la kindin mì la bii lan, mì la kela lecoo, haliko mi la va yoomu, mì la kui taw, mì la hɛlu lɛŋnde Mɛlɛka yiilu fuɲaa niaa mamaa kpemaa mó mɛnan le nda len keo len.

Tɔŋ miingua 8:1 Referans Kwoze

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Tɔŋ miingua 5:33

La kɔ o nɛi Mɛlɛka Hala niaa cɔm niaa-o coo sakpo. Kon tosanin ni mì la sɔla dɛnɛ kɛndɔɔ, mì la viow yoomu o lɛŋnde niaa co kɔlan hiɔlɔɔ len nin.»

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.