Tɔŋ miingua 7:7 - BII BILA

⁷ «Holnɔn Mɛlɛka holnun niaa mó hɛli niaa-o, o co nuaa maa niaa le hiow vaa sɛ́lɛ́ a vanaa-mangalaa-isɔɔa tɔ̀a le. A toɲa, niaa hiow dɔɔnanndo a vanaa tɔ̀a ni,

Tɔŋ miingua 7:7 Referans Kwoze

Tɔŋ miingua 10:22

Fuɲaa niaa mamaa kɔɛ lɔ́ɔ́ kon Esipte-a, à va n'van belaŋɔmmɛw daama, kɛ sisa Mɛlɛka Hala niaa vangala niaa mí la kui sɛ́lɛ́ bɛndoo maa loeon o halataala.»

Rɔmnda 11:6

Nduyɛ, te o va pɛ maa le kɛndɛi o hɛli nda ni, mɛɛ o co lɛ le dɛnndan te. Te o co yɛ lende le, mɛɛ kɛndɛi ve lɛ ikɛndɛ le.

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

Rɔmnda 9:21

Vɛ̀ɛ̀ o co vana cɔavaa n'kpɛɛnɔɔ le tosa ɲɛ o yeema-o a puuloo le! A puulu lindaa pilɔɔ, o nɔla mò cɔw kpɛɛnɛi sɔvɛi te kon te kpɛɛnɛi nɔ mako lei.

Condii lisai 115:1

Éé Mɛlɛka! O co naa le, o co naa le biiloo bɛnda le, kɛ nɔm pilɛ kpé, le kaola nɔmndo a le kɛndɛi nɔmnde.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Matie 7:14

Kɛ dio sɔɔkɛɲɛɛo, nɛile piondonnde kɔlan la kendu coo len, ɲɛm mun yaa vana o cinda fɛɛn-fɛɛndo nin ni. Vanaa saalun lan-nda co sɛ́lɛ́ le.»

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

1Nsaŋ 3:1

La ce mɛɛ Pua kaola naa yɛ nɛ! Kani o veelu naa aa cuavaa Hala-a. Nduyɛ nda naa n co lekɛ́ndɛi ni. Lelan bɛɛ ceendo sínà naa le ni, kani o sínà Hala le.

Tɔŋ miingua 1:10

Mɛlɛka Hala niaa vangala niaa, mí la kui taw. La co nin sɛ́lɛ́ taw maa loeon o halataala.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

1Dɛnnda lemasalan 16:19

Nduyɛ, kunda pɔmbɔɔ daama nda va ni, a ve sɛ́lɛ́ le, mialla nda va o lɛŋnde len nin ni.

Condii lisai 44:3

A tow vanaa-mangalaa-isɔɔa o lɛŋnden coo le fuɲaa naa mamaa mingio o fonda ndaa. A diw vanaa-mangalaa-isɔɔa, le vanaa nɔmnda kuiyo vɛ́ɛ́lɛ̀-vɛ̀ɛ̀lɛ̀.

Condii lisai 105:12

Nduyɛ, kunda pɔmbɔɔ daama nda va ni, a ve sɛ́lɛ́ le, mialla nda yɔŋnun o lɛŋnde len nin ni.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esekiɛl 36:22

Le hee, dimul cuavaa Israɛlla aa nuaa Maalii Hala dimi ni aa: O co le niaa cuavaa Israɛlla le ya co dɛnndan tosaa nuaa le, kɛ le diola nila diandaalan, la niaa nɔɔliaa nɛɛ niaa co a sɛŋiannda vanaa-mangalaa-isɔɔa tɛɛn-nda pɛɛn.

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

Esekiɛl 20:5

Dimul nda aa nuaa Maalii, o co Mɛlɛka-o soo ni aa: Paale ya hɛli Israɛl-ten, mí heelu baa coocoo, mí mɛnalan polale Yakɔb len, mí cɔmnun vɛlɛ nda o lɛŋnde Esipte len nin, mí heelu baa coocoo, mí mɛnalan nda, mí dimul nda aa: Ya co Mɛlɛka ni, Hala niaa pɛɛn.