Tɔŋ miingua 7:6 - BII BILA

⁶ Kani niaa, vanaa diandaa niaa co le Mɛlɛka Hala niaa ni. Ò hɛli niaa o vanaa súúla yɛ́-yɛ́a co o lɛŋnden coo-a kpow tɛɛn, haliko mi la va a ndɔa.»

Tɔŋ miingua 7:6 Referans Kwoze

Tɔŋ miingua 14:2

Kani vanaa diandaa niaa co le Mɛlɛka Hala niaa ni. Mɛlɛka hɛli niaa o vanaa-mangalaa-isɔaa co o lɛŋnden kpow coo-a tɛɛn, haliko mi la va yungu sɔvɛɔ, ó siŋnun teengen le ndu Mɛlɛka-o.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Malasi 3:17

Mí Mɛlɛka-Nɔ-Kpaayaa-Kpow-vo dimi aa: ‹Vanaa nia nda vanin ni. Ya pila kpeekpei nɔnin nda ni. Paale ya cɔmnin kpaaya nuu len le tiiya pɛ, i tuinunnin nda iɲíí mɛɛ vana tuinun po nɔm co nɔm baalaa tosal-lo-o iɲíí nuaa yɛ.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

Yeremi 2:3

Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

Condii lisai 50:5

O dimi aa: ‹La cuungial-la vanaa lo o lediom coo a ya-a, á soli sálàá má yii kpemaa a ya-a pɛɛn.›

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

Tɔŋ miingua 28:9

Te la bii pɛ tɔŋnda Mɛlɛka Hala niaa, mì la kela o nɛila o cɔm niaa lan coo, la vanin yungu co teengen le ndu Mɛlɛka-o maa mɛɛ ndu pila mɛnalan niaa yɛ.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Dɛnnda kiilaa 13:17

Hala Israɛlla hɛli fuɲaa naa mamaa. Mó tosa má kui telen nda va Esipte-o. O kon kɔɔli, mó soli nda o lɛŋnde len nin a kpaaya ndɔɔ.

Rɔmnda 9:4

Israɛlla pɛɛn, a Hala siinguu cuavaa ndɔa, mí biilu ndɔɔ va nda coo-a. A o yiilu kpemala ndɔlan-nda, a nɔ tɔŋndo a kannden-nda.

Fulaa 6:7

I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.

Tɔŋ miingua 4:20

Kɛ niaa, mó cua niaa, mó soli niaa o tóndó icilin tuwvo nin Esipte, haliko mi la siŋnun vanaa ndɔa a kɛ́ ndɔɔ maa mɛɛ niaa co nihau yɛ.

Tɔŋ miingua 14:21

La dia visi vi a ba ndɔ-o le. La nɔla mì la yɔngu ndu vanaa co calle niaa o bɛngu coo-a, mì nda de ndu, te kon te la nɔla mì la pisi cɔlu vílɛ́i vaa lende mialla o ba. Kani niaa niaa, yungu diandaa niaa co le Mɛlɛka Hala niaa ni. La yaw cuin cuaa o mɛɛma kala ndɔan nin te.»

Tɔŋ miingua 26:18

Mí Mɛlɛka dimi hau maa la vanin vanaa ndɔa, maa mɛɛ ndu pila dimul niaa ndi yɛ, maa la biinin tɔŋnda ndɔlan kpow,

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

1Masaa 3:8

Nduyɛ, ya vana nɔm baalaa, i co vanaa nɔm pila hɛli-a tɛɛn, vanaa kan yɛ, vana cii nda sina le, a cuu vɛlɛ cɔm te, kani a co sɛ́lɛ́ taw.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Esai 41:9

Nɔm ya cua o lɛŋnden mɛɛlulan-ndo, nɔm ya veelu fulaa nɛɛ levil-lo, nɔm ya dimul ni aa vana baala nuu n co ni. I hɛli nɔm, i melnin nɔm te!

Esai 62:12

A veelunin nda aa vanaa diandaa, vanaa Mɛlɛka baŋa-a, nɔm (Yerusalɛm) yɛ, a veelunin nɔm aa: ‹Kobi nda co nuwviaa-o. Kobi co o malnan too›».

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Tɔŋ lasálàá 20:26

La vá vanaa diandaa mì la solin sálà le vali nuu. Kani o diandaa ya co ni, ya Mɛlɛka. I sɛi niaa a vanaa súúla celen haliko mi niaa siŋnun cuavaa nia.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

1Samiɛl 12:22

Mɛlɛka melnin niaa le few, kani ndu pila siinguu niaa vanaa ndɔa ni. Nduyɛ, o tosa ken le diolan ndɔla bɛndulan.

Ɛsdras 9:2

A yil cuavaa vanaa-mangalaa-isɔaa kan o nɔ̀lan le nda pila a le poaa ndaa. Nuaa nda bingulan yɛyii diandɛi a vanaa súúla celeŋaa co o lɛŋnde len nin-nda ni. Vanaa va vanaa tasea le dɛnɛ nɔɔlɛi kon tosaa-a yɔŋnun simlacia a vanaa bɛndua ni.›

Condii lisai 114:2

mí Yuda siŋnun Fonda-Diandaa Hala-o, mì lɛŋnde Israɛl-ten le siŋnun lɛŋnde ndɔlen.

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Esekiɛl 20:5

Dimul nda aa nuaa Maalii, o co Mɛlɛka-o soo ni aa: Paale ya hɛli Israɛl-ten, mí heelu baa coocoo, mí mɛnalan polale Yakɔb len, mí cɔmnun vɛlɛ nda o lɛŋnde Esipte len nin, mí heelu baa coocoo, mí mɛnalan nda, mí dimul nda aa: Ya co Mɛlɛka ni, Hala niaa pɛɛn.