Tɔŋ miingua 7:4 - BII BILA

⁴ Kani te nɔlan la luɛi pɛ niaa tɛɛn, cuavaa ndaa faŋannin poaa niaa ya kɔɔli, mà yɛɛ nda halaa celen kɔɔli, mà sooluu nda. Te i yɔŋnun yɛ pɛ lende, mɛɛ ya Mɛlɛka, kɔltuw nuu toalnin niaa coo, mì cii niaa diw kpow.

Tɔŋ miingua 7:4 Referans Kwoze

Tɔŋ miingua 6:15

Kani Mɛlɛka Hala niaa co niaa tɛɛn-ndo, Hala paŋalaa o co ni, yɔŋii kɔl ndɔ tuwvo tol niaa coo mò cii niaa diw o lɛŋnden coo.

Masaa kialaa n'yamaa 2:20

Mí Mɛlɛka tuulu kɔl a cuavaa Israɛlla, mó dimi aa: «Le tùú vannda ha cii kpema ni yáà yiilu fuɲaa ndaa mamaa-o tɛɛmbuu, má kɛɛ le sɔɛi nii biyɔɔ few-vo,

Masaa kialaa n'yamaa 2:11

Mí cuavaa Israɛlla tosa ɲɛ hɛnan Mɛlɛka loo, má sooluu Baalla.

Tɔŋ miingua 4:26

i cua hau halataala a lɛŋnden seilen, la tamalanin le cuvɔɔ o lɛŋnde niaa co Yurdɛn taŋɔɔ le len hiɔlɔɔ len nin te. Yoomu niaa bendunin o lɛŋnde len nin te, kani la co cuvɔɔ itambu kpow.

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Tɔŋ miingua 20:18

yɔŋii nda pɛɛku niaa dɛnnda nɔɔlɛila nda co tosaa le halaa ndaa lan. Kani la tosa pɛ maa nda, mɛɛ la cua hakio a Mɛlɛka Hala niaa.

Yosue 23:12

Kɛ te la mulul ndu pɛ kɔɔ mì la mɔsɔŋan a vanaa-mangalaa-isɔaa celeŋaa co niaa tɛɛn-nda, te nɔlan la luɛì pɛ niaa tɛɛn niaa ndaa, mì la cal niaa ndaa latulu,

Masaa kialaa n'yamaa 3:6

Má cua cuavaa ndaa laandua o nɔ̀lan, má kɛsi cuavaa ndaa laandua nda pila velu-a o nɔ̀lan poaa vanaa kan o ba, má sooluu halaa ndaa.

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

Yosue 22:15

Lɔ́ɔ́ nda tiiya o tàndá Kalaad-o nin-ndo, má tɛɛngul yungula fula o polale Rubɛn-nden, polale Kad len a o polale tálále Manase len nin-ndan

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.