Tɔŋ miingua 7:2 - BII BILA

² te Mɛlɛka Hala niaa mal nda pɛ niaa o ba mi la nɔla nda, la bɛnda mì la cii nda kpede. La bɛnda mì la yii kpema oo kpema a nda le, la bɛnda mì la nɔ iɲíí a nda le.

Tɔŋ miingua 7:2 Referans Kwoze

Masaa kialaa n'yamaa 2:2

Mí dimul niaa maa o bɛnda mì la cɛlan o ɲɛ-ɲɛ coo niaa vanaa co o lɛŋnden nden nin-nda le, maa la puusiaa máánnda ndalan, kɛ la tui ya diom te. Le kɔlɔ yɛɛ nɛ niaa tosa yɛ lende?

Masaa kialaa n'yamaa 1:24

Mí vanaa nda vem kan-nda bɔŋan a langbanɔɔ pum ciee-lekɔɔ, má dimul ndu aa: «Cɔm naa nɛiyo le fulaa ciee, mí n tuinun nɔm iɲíí.»

Yosue 10:30

Mí Mɛlɛka mal nda kobi kon a masa ndɔɔ o ba, má diw vanaa va lenin-nda kpow, hali vana pilɛ bɛɛ helun te. Mó tosa a masa va lon-ndo mɛɛ o tosa a hoo Yeriko yɛ.

Yosue 2:14

Mí vanpiaandua kan mulul Rahab aa: «N co a bɛɛndiannda le vuo le niaa, te la cɔɔmuu tuu naa le. Lɔ́ɔ́ Mɛlɛka malnin lɛŋnden nden naa o ba-o, n lonin o lediom coo mì n tosal nɔm dɛnɛ kɛndɔɔ.»

Tɔŋ miingua 23:14

Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.

2Samiɛl 21:2

O kon mí masaa veelu Kabaɔnnda, mó soaa o nda lo. Kabaɔnnda ve cuavaa Israɛl te, o Amoriia tɔ̀a lo yoomu-a nin ndáà fula ni. Mí Israɛlla ndáà yiilu nda paandu kpemaa maa ndáà yɔŋnin nda ɲɛ-ɲɛ le. Kɛ mí Saul va kindinndo le nda ciiyo le kaola bɛndu ndóò kaola Israɛlla a Yudaa-o.

Masaa kialaa n'yamaa 1:4

Má kɔa a cɔwvo, mí Mɛlɛka mal Kanannda a Perisiia nda o ba, má diw vannda vaalan tɔ́ nda tɛɛn Besɛk.

Yosue 21:44

Mí Mɛlɛka luei nda kɔlɲuloo tɛɛn nda lɛŋii ndáà salu pɛɛngulan-nde kpow, maa mɛɛ ndóò yiilu fuɲaa ndaa mamaa kpemaa yɛ. O yaamɔaa ndaa tɛɛn vɛlɛ, o kɛ́-kɛ̀ nɔla nda simullo le. Mí Mɛlɛka mal yaamɔaa ndaa nda o ba.

Yosue 10:42

Mó bii tàndàla lan a masaa ndaa kpow o lepilɔɔ. Kani Mɛlɛka Hala Israɛlla va cɔwvo tosaa le nda ni.

Yosue 10:40

Mí Yosue bii lɛŋnde len kpow, cɔnɔnndo o tàndá n'pemboo, keiyo a tàndá co a ba too-o, kɔ fula o dɛɛlalan nin, kɔ tiiya a tàndá co o mɛnndan kɔngɔ-o, a masaa va lon-nda kpow. Vana-vana helun ndu le, mó diw ɲaa yoomaa kpow, maa mɛɛ Mɛlɛka Hala Israɛlla ndóò dimul ndu yɛ.

Yosue 10:32

O paale diinndɔlen, mi Mɛlɛka mal nda kobi kalaa o ba, má bii ndu, má diw vanaa va lon-nda kpow, a mɛi vana-vana yoomu le, maa mɛɛ ndóò tosa a kobio Libna yɛ.

Yosue 10:28

Paale pilɛle len, mí Yosue bii kobio Makeda, mó diw vanaa va lon-nda kpow a masa ndaa. Mó tɛɛmbuu nda kpow, o mɛi vana-vana yoomu le, mó tosa a masaa Makeda mɛɛ o tosa a hoo Yeriko yɛ.

Yosue 9:24

Mí Kabaɔnnda mulul Yosue aa: «Nuaa naa n tuei ni maa Mɛlɛka Hala nɔmndo dimul Moise vana ndɔ baalaa ni le niaa lɛŋnden nden kpow keo, mì la diw vanaa niaa komalnin lenin-nda kpow. Lelan siòònde bii naa taw a niaa le yoomula naalan ni, mí n tosa lende.

Yosue 8:24

Mɛɛ Israɛlla cii vannda Ai diw kpow o lɛŋnde veselɛilen nin nɛɛ ndáà ɲaanun nda kɔɔli-a, má muungu ciee, ma kɔ diw vanaa tɔ̀a a mɔɔn cɔwvon.

Tɔŋ miingua 13:8

halaa vanaa súúla celennda co sooloo-a a pum, halaa vanaa co niaa macɛlu-a a vanaa co niaa levil-la co sooloo-a, á co icali o lɛŋnden kandɔnndo háá nɛɛ le mɛɛlu-a-a›,

Tɔŋ miingua 3:3

Lende Mɛlɛka Hala naa mal Ɔk, masaa Basan a vanaa ndɔa cɔwva kpow naa o ba ni. N lo nda diwvo háá má cuu kpow, o pilɛ bɛɛ lo yoomu le.

Kundalan 33:52

la toawnin vanaa co icali niaa laci lon-nda mì la hɛlu nda lɛŋnden o ba, mì la tɛɛmbuu piɔmaa ndaa nda cɔw a powtan-nda a à nda cɔw a ciliŋun teengian má siinguu nda halaa ndaa-a kpow, mì la pesi vɛlɛ sooluula ndalan.

O Kandɔɔ 14:20

Biiloo co le Hala-Hiow-Ɲɔɔn-Kpow-vo-o, o yɔngu nɔm kpaayaa má tiw yaamɔaa nɔmnda ba-o.» O ɲɛm Abram puu yaamɔaa ndɔa kan o ba-on nin, mó cua ipilɛ o tɔ́ oo tɔ́ coo, mó yɔngu Mɛlkisedɛk.

Fulaa 22:20

La sáángiaa mialaa co niaa o bɛngu coo-a le tɔnɔɔ solio nda o n'dial te, la luei nda mɔnɛi le. Kani niaa bɛɛ, mialla niaa yɔŋnun o lɛŋnde Esipte len nin ni.

Kundalan 31:17

Lelan, la diw poambɔa piaandua kpow a vanlaandua sina nin dɛnɛ vanapɔnɔɔ-a kpow.

Tɔŋ miingua 2:33

Kɛ mí Mɛlɛka Hala naa mal ndu naa o ba, mí n tiw nda ba, ndu pila, poaa ndɔa a vanaa ndɔa cɔwva kpow.

Tɔŋ miingua 2:34

O kon mí n bii kobila ndɔlan kpow, mí n diw vanaa va lenin-nda, kandɔɔ a vanpiaandua kɔ bii a cuaambɔa pɔmbɔa, vana pilɛ bɛɛ lo yoomu le.

Tɔŋ miingua 7:16

La bɛnda mì la diw vanaa-mangalaa-isɔɔa Mɛlɛka Hala niaa malnin niaa o ba-a kpow. La bɛnda mì la nɔ iɲíí a nda le, la sooluu halaa ndaa le, kani yaŋɔɔlen dɛnɛ kon vanin le niaa ni.

Tɔŋ miingua 19:13

La tuínun vana vaa lende iɲíí le, kɛ lende niaa bɛnda ni mi la dindi Israɛlla Mɛlɛka o hɔl le piɔ́m vana tɛɛmbuu isɔɔ loo sɔla-o. La tosa pɛ lende, la sɔla dɛnɛ kɛndɔɔ.»

Tɔŋ miingua 25:12

la bɛnda mì la kelu vanalanɔ kon baa. La tosa iɲíí a ndu le few.»

Tɔŋ miingua 31:5

O yɔngunin niaa kpaayaa mì la nɔla vanaa kan, mì la tosal nda mɛɛ ya dimul niaa le nda tosallo yɛ.

Tɔŋ miingua 33:27

Nɛɛ viannannda Hala co le fɛɛn a fɛɛn-ndo co ni. Bala ndɔlan la co lahavaa lebɛngu yɔŋii niaa del. O co yaamɔaa niaa tovɔɔ niaa laci, mò va niaa dimullo aa: ‹La tɛɛmbuu nda!›

Yosue 9:7

Kɛ mí Israɛlla mulul nda aa: «Bɔɔle naa macɛlu niaa co icali ni, vɛ̀ɛ̀ naa n yii yɛnin kpemaa naa niaa?»

Ɛsdras 10:3

N cuannun niko ciɛ́ɔn o Hala naa lo, o kon mì n kɛɛnun laandua kan a cuavaa naa n velu a nda-a kpow. N biinun sila nɔm Ɛsdras vana naa bɛndoo a vanaa nɔ siòòŋii Hala-e-a sila naa-o. O bɛnda mì n kela mɛɛ tɔŋndo dimul naa yɛ.

Condii lisai 106:34

Mí Mɛlɛka dimul nda le vanaa va Kanaan-nda diwvo, kɛ, má kɛɛ.

Kundalan 21:2

O kon, mí Israɛlla baa yoolen o Mɛlɛka lo, má dimul ndu aa: «Taa mal pɛ vannda ha naa o ba, mì n nɔla nda, n tɛɛmbuu kobila ndalan kpede.»

Tɔŋ miingua 9:3

Kɛ la bɛnda mì la sina vɛlɛ hau maa Mɛlɛka Hala niaa co kɔlan niaa laci maa yinnde bɛndu. O tɛɛmbuunin vanaa kan, mò tosa ma ɲaanun niaa, mì la puu lɛŋnde ndalen, mì la cii nda tɛɛmbuu cɔ́-cɔ́ mɛɛ Mɛlɛka yiilu niaa kpemaa yɛ.

Tɔŋ miingua 13:9

cɛl tuu ndɔ kon te, yaŋ nilan o sɔɛi ndɔɛi le. Handɔɔ o kon coo, tosa iɲíí a ndu le, kumbu ndu isulal te, vian tɛɛmbuu ndɔɔ le.

Yosue 11:8

Mí Mɛlɛka mal nda Israɛlla o ba, má diw nda. Má toaw nda háá o kobi bɛndoo Sidɔn, kɔlan háá Misrefɔt-Maim a o bóllo Mispa a ba paalen le can-ndo. Má diw nda, hali vana pilɛ a mɛi yoomu le.

1Masaa 20:34

Mí Bɛn-Hadad dimul Akab aa: «I co nɔm kobila fuɲa nuu ndóò poonda fuɲa nɔm o ba lan kpow mingul. O kon mà toosiaa fondala dɔavaa lɔ́ɔ́lan Damas mɛɛ fuɲa nuu ndóò toosiaa lan Samari yɛ.» Mí Akab dimi vɛlɛ aa: «N yii kpemaa, o kon mì mal nɔm kɔnndan.» Ndáà ciiyo kpemaa yiiyo nda ŋiɔn, mó mal ndu niko kɔnndan.