Tɔŋ miingua 7:16 - BII BILA

¹⁶ La bɛnda mì la diw vanaa-mangalaa-isɔɔa Mɛlɛka Hala niaa malnin niaa o ba-a kpow. La bɛnda mì la nɔ iɲíí a nda le, la sooluu halaa ndaa le, kani yaŋɔɔlen dɛnɛ kon vanin le niaa ni.

Tɔŋ miingua 7:16 Referans Kwoze

Fulaa 23:33

La cɛl lɛ mà cal o lɛŋnde niaale len nin te, yɔŋii nda viom niaa hakio tosaa a ya Mɛlɛka, mì la sooluu halaa ndaa. Kani te la tosa pɛ lende, mɛɛ la haw o yaŋɔɔle ndalen nin.»

Masaa kialaa n'yamaa 8:27

Mí Sedeɔn cɔaw piɔmndo a sianin mun, mó kɛsi ndu Ofra o ndu lo ciee. Mí Israɛlla kpow a laasian o ndu sooloo nin. Mí dɛnɛ kon siŋnun yaŋɔɔlen le Sedeɔn a yungu ndɔɔ.

1Korɛntea 15:33

Niaa pila huinun te, maa mɛɛ o dimin yɛ aa: «Canyan vɔɔnndon tɛɛmbuu naamula kɛndɛlan ni.»

Tɔŋ miingua 25:12

la bɛnda mì la kelu vanalanɔ kon baa. La tosa iɲíí a ndu le few.»

Tɔŋ miingua 19:21

La tuínun vana vaa lende iɲíí le. Kani tɔŋndo dimi aa: vana dii pɛ vanacieo ndu bɛɛ a dii ndu, vana pɛl pɛ vanndo hɔlten, ndu bɛɛ a pɛl ndu hɔlten, vana bɛŋi pɛ vanndo ciŋnde, ndu bɛɛ a bɛŋi ndu ciŋnde, vana yem pɛ vanndo baa, ndu bɛɛ a yem ndu baa, vana yem pɛ vanndo pelei, ndu bɛɛ a yem ndu pelei.»

Tɔŋ miingua 19:13

La tuínun vana vaa lende iɲíí le, kɛ lende niaa bɛnda ni mi la dindi Israɛlla Mɛlɛka o hɔl le piɔ́m vana tɛɛmbuu isɔɔ loo sɔla-o. La tosa pɛ lende, la sɔla dɛnɛ kɛndɔɔ.»

Tɔŋ miingua 13:8

halaa vanaa súúla celennda co sooloo-a a pum, halaa vanaa co niaa macɛlu-a a vanaa co niaa levil-la co sooloo-a, á co icali o lɛŋnden kandɔnndo háá nɛɛ le mɛɛlu-a-a›,

Condii lisai 106:36

Má muungu piɔmaa ndaa sooloo, mí dɛnɛ kon siŋnun yaŋɔɔlen le nda.

Tɔŋ miingua 7:2

te Mɛlɛka Hala niaa mal nda pɛ niaa o ba mi la nɔla nda, la bɛnda mì la cii nda kpede. La bɛnda mì la yii kpema oo kpema a nda le, la bɛnda mì la nɔ iɲíí a nda le.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Masaa kialaa n'yamaa 3:6

Má cua cuavaa ndaa laandua o nɔ̀lan, má kɛsi cuavaa ndaa laandua nda pila velu-a o nɔ̀lan poaa vanaa kan o ba, má sooluu halaa ndaa.

Masaa kialaa n'yamaa 2:3

Lelan bɛɛ ya tosa ni mí la bumba nda, la co lo icali latulu niaa ndaa mì halaa ndaa siŋnun pow boŋaa le niaa.»

Kundalan 33:55

Kɛ te la tuw vanaa-mangalaa-isɔaa co icali niaa laci lon-nda kpow le, a niaa co mɛi lon ma va icali niaa tɛɛn-nda co niaa saangiaa mɛ̀ɛ́-mɛ̀ɛ́ yɔɔn cuku vana hɔlten nuaa yɛ, mɛɛ kevekevon via vanndo kɔɔ nuaa yɛ. Yaamɔaa niaa nda vanin o lɛŋnde niaa vanin icali nin-nden nin ni.

Masaa kialaa n'yamaa 2:12

Má mulul Mɛlɛka Hala fuɲaa ndaa kɔɔ, o soli nda Esipte-o pɛɛn. Má mulin o halaa celennda lo, a vanaa balu nda o lɛŋnde len nin-nda va sooloo-a, má va nda sooloo. Má tɛɛmbuu Mɛlɛka kɔllo.

Tɔŋ miingua 7:25

La bɛnda mì la lom piɔmaa nda cuá maa halaa nda-a. Kɛ la del o tɔɔndan nin le volion a sianin kumbu nda-on cuaa le. La cua mun te. Dɛnɛ kon nɔla mò va yaŋɔɔlen le niaa, kani dɛnɛ nɔɔlɛi bɛndoo pila dɛnɛ kon co Mɛlɛka Hala niaa o hɔl ni.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

Condii lisai 106:34

Mí Mɛlɛka dimul nda le vanaa va Kanaan-nda diwvo, kɛ, má kɛɛ.

Tɔŋ miingua 13:9

cɛl tuu ndɔ kon te, yaŋ nilan o sɔɛi ndɔɛi le. Handɔɔ o kon coo, tosa iɲíí a ndu le, kumbu ndu isulal te, vian tɛɛmbuu ndɔɔ le.