Tɔŋ miingua 6:3 - BII BILA

³ Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.

Tɔŋ miingua 6:3 Referans Kwoze

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 26:4

I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Dɛnnda kiilaa 7:17

Mɛɛ telen Hala ndóò tuu le sɔɔn o dimi a Abraham-ndon peeloo-o sɔɔnguu, mí vanaa naa a kui taw-taw Esipte.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Vana Kɔlkaloo 8:12

Vana lahakio nɔla mò tosa dɛnɛ vɔɔndo háá bɛmbɔɔ kɛmɛ, mò viownun yoomu taw. Nuaa ndáà dimi ni aa: ‹Vanaa co Hala bɛɛlen keo-va a vanin o dɛnɛ kɛndɔɔ nin, kani a sinà kpaaya ndɔ lemasaa.

Tɔŋ miingua 4:6

La bii lan mì la kela lecoo lende, kon tosanin ni mì vannda ce niaa vanaa kɔlkalua a vanaa dɛnɛ sinaa vanaa-mangalaa-isɔɔa tɔ̀a o hɔl. A tuɛinin kɔlkalu niaa tɔ́ɔ́ mà dimi aa: ‹Vanaa sɛ́lɛ́ bɛndua ha, vanaa dɛnɛ sinaa a vanaa kɔlkalua kposon nda co ni!›

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

O Kandɔɔ 12:2

I siinguunin nɔm fuɲa-mama vanaa-mangalaa-isɔɔa súúlan taw. I dɔawnin nɔm duaa ma pɛlnun ladio. Vanaa bɔɔ-bɔɔ a sɔlanin duaa nɔm o ba bɛngu.

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Yeremi 42:6

Naa n vem nɔm sɔɛi o Mɛlɛka Hala naa lo ni. N biinin sɔɛi o co naa dimul-le, i hɛnan naa, i nɛinun naa. O kon n sɔlanin dɛnɛ kɛndɔɔ, n bii pɛ sɔɛi Mɛlɛka Hala naa.»

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Tɔŋ miingua 8:8

Tɔlɔɔla naŋ o lɛŋnde len nin taw lan la co lan ni: maalon, ɔrse, rɛsɛnndon, vooson, krenadiee, oliviee a lɛan.

Tɔŋ miingua 11:9

Kon tosanin vɛlɛ ni mì la viow yoomu o lɛŋnde cɔlua a tɔlɔɔlan la naŋ nin taw-taw len nin, lɛŋnde Mɛlɛka yiilu fuɲaa niaa mamaa kpemaa, mó mɛnan le nda a cuavaa ndaa imamaa len yɔngoo len pɛɛn.»

Tɔŋ miingua 26:9

Mó hun a naa o fondaa ho nanu, mó yɔngu naa lɛŋnden nden, lɛŋnde cɔlua a tɔlɔɔlan la naŋ nin taw-taw len.

Tɔŋ miingua 26:15

Lelan, lo o calta nɔmnda diandaalan nin ma tofa, lo o halataala ma tofa, ma tuisi vanaa nɔmnda duaa coo, Israɛlla pɛɛn, ma dɔw lɛŋnde n yɔngu naalen duaa, lɛŋnde n yiilu fuɲaa naa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.›»

Tɔŋ miingua 27:3

O kon, la sɛva sɔɔn co o tɔŋndo ho nin-ndon kpow o powta lan coo. Lende niaa tosanin paale niaa taŋnin peo Yurdɛn le luɛyɔɔ o lɛŋnde Mɛlɛka Hala niaa ke niaa len nin-nden ni. Lɛŋnde len yɛ, cɔlua a tɔlɔɔlan la naŋ lenin taw-taw, maa mɛɛ Mɛlɛka pila dimul niaa yɛ, Hala fuɲaa niaa mamaa pɛɛn.

Tɔŋ miingua 31:20

Kani i co nda yɔɔ o lɛŋnde ya yiilu fuɲaa ndaa mamaa kpemaa mí mɛnan le nda len yɔngoo len nin, lɛŋnde cɔlua a tɔlɔɔlan la naŋ nin taw-taw len pɛɛn. A vanin ɲɛdiaa dioo, mà va pumndo háá mì cuɛiyan ma luɛi nda. O kon, a mulinin hɔlla o halaa celennda lo, mà sooluu nda. Lende nda tuulunin ya kɔllo mà tɛɛmbuu kpema nuu ni.

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.