Tɔŋ miingua 6:2 - BII BILA

² La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Tɔŋ miingua 6:2 Referans Kwoze

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Tɔŋ miingua 13:4

la yaŋ nilan o sɔɛi vana-tɛɛngaa-diom Hala kon te, te kon te o sɔɛi vana sina kon kɔlɔ lɔma sɔlaan-ndo le. Kani a vanaa súú vaa lende Mɛlɛka Hala niaa vanin keiyo le niaa kɔlɔɔ solio ni. Lende o vanin tosaa ni le sinaa te la kaola ndu lekɛ́ndɛi a kɔlta niaalan kpow a á yoomu niaa kpow.

Fulaa 20:20

Mí Moise mulul nda aa: «La yɔŋ isiòòn te. Le niaa tɔɔndanndo Hala hin ni, haliko mi la nɔ bɛɛle ndɔlen, yɔŋii niaa tosa hakio.»

Condii lisai 128:1

Condii vannda keì solio nɛi-tɛɛn o kɔlan-nde. Duaa co le vanaa nɔ siòòŋii Mɛlɛka-e, mà va kelaa o nɛila ndɔlan coo-a kpow!

Tɔŋ miingua 5:16

La ke fuɲaa niaa a kalaa niaa bɛɛlen maa mɛɛ Mɛlɛka Hala niaa dimul niaa le tosaa yɛ, haliko mi la viow yoomu, mì la sɔla dɛnɛ kɛndɔɔ o lɛŋnde Mɛlɛka Hala niaa co niaa yɔngu len nin.

Talelan 3:16

Yoomu vilɛiyo co kɔlkaloo o ba kɛndɔɔ nin, bolofaa a biiloo co ndu o ba mɛllo nin.

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Condii lisai 111:10

O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

Luke 12:5

Kɛ i cɔmnin niaa vana niaa bɛnda le vou-vo. La vo Hala, o nɔ kpaayaa-o, te o cii pɛ vana diyɔɔ, o viow o ɲánndávàà. Maa lekɛ́ndɛi, mì dimul niaa, ndu niaa bɛnda mì la vo ni.

Talelan 16:6

Vana nɔla biondɔnndo toosiaa a vanakɛndɛyɛi a á sakpoyɛi. A siòòŋii Mɛlɛka-e vana nɔla dɛnɛ vɔɔndo kpakpalaa.

Tɔŋ miingua 22:7

A bɛnda ma mal yow kalaa mo kɔɛnnun, ma cua pelta ndɔlan, te kon te cuavaa ndɔa. Taa tosa pɛ lende, a sɔla dɛnɛ kɛndɔɔ, a viow yoomu taw.

Tɔŋ miingua 6:7

La pɛɛku cuavaa niaa lan, mì la luei nda lan o lebol. La dɔw baltan lecoo telen niaa vanin o laniaa lo cɛinin-ndo, telen niaa vanin kɔlan kelaa o nɛi-yo, telen niaa vanin kɔlan hinilan-ndo a telen niaa cannin-ndo.

Tɔŋ miingua 4:10

La pɔɛɛnun paale niaa sim Mɛlɛka Hala niaa o hɔl o pembei Horɛb coo len te, paale len mí Mɛlɛka dimul-la aa: ‹Cuungiaa vannda ha ya o hɔl, mì dimul nda sɔɔn nun, haliko ma nɔ siòòŋii nii, mà ke ya bɛɛlen o palɛi nda nɔ le yoomoo o lɛŋnden coo-e nin kpow, mà pɛɛku vɛlɛ poaa ndaa le siòòŋii nii nɔu.›

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Tɔŋ miingua 5:33

La kɔ o nɛi Mɛlɛka Hala niaa cɔm niaa-o coo sakpo. Kon tosanin ni mì la sɔla dɛnɛ kɛndɔɔ, mì la viow yoomu o lɛŋnde niaa co kɔlan hiɔlɔɔ len nin.»

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Tɔŋ miingua 11:9

Kon tosanin vɛlɛ ni mì la viow yoomu o lɛŋnde cɔlua a tɔlɔɔlan la naŋ nin taw-taw len nin, lɛŋnde Mɛlɛka yiilu fuɲaa niaa mamaa kpemaa, mó mɛnan le nda a cuavaa ndaa imamaa len yɔngoo len pɛɛn.»

Condii lisai 91:16

I bɛndinin yoomu nɔmndo, mì cɔm nɔm cinda nuu.»

Esekiɛl 20:19

Ya co Mɛlɛka ni, Hala niaa pɛɛn. La bii silala nilan, la tuei sɔɔn ya co niaa pɛɛkoo-on mì la kela lecoo.

Tɔŋ miingua 6:24

Le hee, mí Mɛlɛka Hala naa dimul naa le tɔŋndan ndan kpow biyɔɔ a le siòòŋii ndɔɛi nɔu, haliko mi n sɔla dɛnɛ kɛndɔɔ, mò ke naa yoomoo mɛɛ o co vɔ naa ndu yɔngoo hau nuaa yɛ.

Tɔŋ miingua 15:5

Kɛ fɔ mì la yaŋ fɔlɔn nilan o sɔɛi ndɔɛi, mì la bii tɔŋnda ndɔla ya co niaa tɛɛngullo hau lan, mì la kela lecoo.

Tɔŋ miingua 30:19

I cua hau halataalaa a lɛŋnden seilen le sɔɛi he. I kɛsi yoomoo a piɔ́mndo niaa laci, i kɛsi vɛlɛ duaa a dangaa niaa laci. Lelan, la cua yoomoo haliko mi la va yoomu, niaa a cuavaa niaa.

Tɔŋ miingua 30:20

La kaola Mɛlɛka Hala niaa, la bii diom ndɔɔ mì la holnun ndu. Kani kon tosanin ni mì la va yoomu, mì palɛi niɛi bandu taw, kon tosanin ni mì la va icali o lɛŋnde Mɛlɛka yiilu fuɲaa niaa mamaa Abraham, Isaak a Yakɔb kpemaa, mó mɛnan le nda len yɔngoo len nin.»

Yosue 4:24

O tosa kon, haliko mi vannda o lɛŋnden kpow coo a sina mɛɛ o nɔ kpaayaa yɛ, mì siòònde bii nda a ndu Mɛlɛka Hala niaa le lɔ́ɔ́-lɔ́ɔ̀.»

1Masaa 8:40

Tosa lende, o kon mì Israɛlla ke nɔm bɛɛlen le lɔ́ɔ́-lɔ́ɔ̀ o lɛŋnde n ke fuɲaa naa len coo.

Talelan 9:11

Ya Kɔlkaloo, i cɔɔlunin yoomu nɔmndo bɛndi, mì cɔɔlu vɔsila nɔmndan kui.

Yeremi 32:39

I yɔngunin nda kɔl pilɔɔ a yiyan pilɔɔ, haliko ma vo ya lɔ́ɔ́-lɔ́ɔ̀ le mɛɛ nda sɔla dɛnɛ kɛndɔɔ le nda pila a le cuavaa ndaa nda a makɔɔ yɛ.