Tɔŋ miingua 5:5 - BII BILA

⁵ Ya i va isisi Mɛlɛka a niaa tɛɛn le niaa sɔɛi ndɔɛi tɛɛngullo. Kani siòònde va niaa a yinnde va lon-nden, lelan la hel o pembei coo le. Sɔɔn Mɛlɛka dimi telen kon-ndon va mun ni:

Tɔŋ miingua 5:5 Referans Kwoze

Kalatea 3:19

Mi le yɛɛ nɛ tɔŋndo ndu co yɛ niko? Le tɛɛmbuula vanndacieea o handun ni, háá mi polale kpemaa ndóò yiinun-nden léè tiiya. Mɛlɛkaa dimul vana tɛɛngaa ndu ni.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Hebreea 9:24

Kani Krista luei o fonda diandaa toosian a bala vanacieo vo nin te, velan fonda diandaa co o halataala-o daama co kon ni. Kɛ o halataala kpeekpei o luɛi ni, lon o co sunsun Hala o hɔl le naa ni.

Yeremi 30:21

O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

Tɔŋ miingua 5:27

Lelan, nɔm Moise pila sɔɔnguu. Kɔ ma kɔ yaŋ nilan o ɲɛ Mɛlɛka Hala naa diminin-ndo kpow, mà hun tɛɛngul naa sɔɔn mún. N yaŋnin nilan o sɔɔn mún mì n tosa mɛɛ o diminin yɛ.›

O Kandɔɔ 18:22

Mí langbaa kan mulin, má kɔa a ba Sodɔm-ndo. Mí Abraham ndu lo vɔ isisi Mɛlɛka o hɔl tuŋ.

Fulaa 19:21

Mí Mɛlɛka dimul ndu aa: «Tol mà kɔ kanalan vannda ha, yɔŋii nda hiow pɛɛngulan a kiltan le hunɔɔ nɛɛ ya Mɛlɛka co-a le ya cɔu, yɔŋii vannda taw a sɔla piɔ́mndo.

Fulaa 19:25

Mí Moise toal, mó kɔ tɛɛngul vannda sɔɔn Mɛlɛka sɔɔ ndu o sondo le nda-on.

2Masaa 18:4

Mó tɛɛmbuu tombon, mó pesipesi powta sálàlan, mó puusiaa yɔmii soolɛi, mó kilikili kɛw n'daɲa Moise ndóò toosiaa-o, kani háá a telen kon Israɛlla va vɔ cuɛima cun kɛndɛan lomɔɔ le kɛw kon, nuaa ndáà veelu kɛw kon ni aa Nehustan.