Tɔŋ miingua 5:2 - BII BILA

² Mɛlɛka Hala naa yii kpemaa a naa o pembei Horɛb.

Tɔŋ miingua 5:2 Referans Kwoze

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Fulaa 24:8

O kon, mí Moise cua kooma cɔlua kan, mó fasaŋiaa man nda coo, mó dimi aa: «Kooma kpeman ma co man ni, kpema Mɛlɛka yii a naa o sɔɔn mun kpow nin-ndo.»

Fulaa 19:1

Mɛɛ Israɛlla fula o lɛŋnde Esipte len nin, o paale taselen coo o paangii yàándɔɛi nin o cɔnɔn ndaa Esipte kɔɔli, má tiiya o lɛŋnde veselɛilen Sinai nin.

Fulaa 34:10

Mí Hala muli aa: «I co niaa kpemaa yiilu. I co kaamaalan tosa vannda ha kpow o hɔl, kabi bɛɛ kaamaala vaa lende la tosan-ndɔ o ceendo coo le, vanaa-mangalaa-isɔɔ súú-súù a ci vɔ dɛnɛ vaa lende le. I co lan tosa mì vanaa n co icali tɛɛn-nda ce mɛɛ dɛnnda ya Mɛlɛka co tosaa a ba nɔmndo lan la co dɛnnda kɔndɔfili yɛ.

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 29:1

Mí Moise cuungiaa Israɛlla kpow, mó dimul nda aa: «Niaa pila ce mɔnɛ Mɛlɛka soli a Esiptea-o, la ce ɲɛ o tosal masaa Esipte, vanaa bɛndua va ndu o ba bɛngu-a a lɛŋnde ndɔlen kpow yɛ.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Yeremi 34:13

«Diom Mɛlɛka Hala Israɛlla dimi-o co hoo ni aa: Mí yii kpemaa a fuɲaa niaa mamaa telen ya va nda solio Esipte o cɛlen nin-ndo.

Tɔŋ miingua 1:6

Tuma naa n va o pembei Horɛb-o, mí Mɛlɛka Hala naa soaa o naa lo, mó dimul naa aa: «La viow nin bɔɔ icali o pembei he ikɛi.

Tɔŋ miingua 4:13

Mó cɔm niaa kpema ndɔɔ, mó dimul niaa le ndu biyɔɔ a le kelaa lecoo, tɔŋnda tɔ́lan pɛɛn, mó sɛva lan o powta yɛ́ndɛ́lan tan tiɔn coo.

2Masaa 17:35

Nduyɛ, mí Mɛlɛka ndóò yii kpemaa a poaa Yakɔb-a, mí ndóò dimul nda aa: «La sóólùù halaa celennda le, la baŋ vulan nda o labɛngunin te, la biilu nda le, la solul vɛlɛ nda sálà le.

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.