Tɔŋ miingua 5:10 - BII BILA

¹⁰ Kɛ vanaa kaola ya má bii tɔŋnda nilan-nda, i lo nda kɛndɛi tosallo háá o lambi vaa pilɛndɔɔ.

Tɔŋ miingua 5:10 Referans Kwoze

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Nsaŋ 15:14

Te la tosa pɛ o ya co niaa dimul-lo, mɛɛ caaŋaa nia niaa co ni.

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Nsaŋ 14:15

«Te la kaola ya pɛ, mɛɛ la biinin sɔɔn ya co niaa dimullo-on,

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Kundalan 14:18

‹Ya co Mɛlɛka biwnanndo ni, vana lo o lediom coo kpeekpei-yo ya co ni. I mal vana haki le yɔŋ vɔɔndo a le biondɔnndan, kɛ i ci vana tɛɛmbua tɔŋndo vana kɛndɛ le, i tuisi cuawva dɛnɛ palaa coo le hakila fuɲaa ndaa háá o lambi yàándɔɔ, háá o lambi hiɔɔlundɔɔ bɛɛ.›

Tɔŋ miingua 7:9

Lelan, la sina pɛngu maa Mɛlɛka Hala niaa, ndu pilɛ kpé co Hala kpeekpeiyo ni, Hala lo o lediom coo-o, Hala lo o kpema ndɔɔ coo-o, ó tosal vanaa kaola ndu má bii tɔŋnda ndɔlan-nda kɛndɛi háá o lambi vàá pilɛ ndɔɔ,

Yosue 22:5

Kɛ nduyɛ, la kela o tɔŋnda Moise vana baala Mɛlɛka-o yɔngu niaa lan coo. La kaola Mɛlɛka Hala niaa, la va kelaa lɔ́ɔ́-lɔ́ɔ̀ o nɛila ndɔlan kpow coo, mì la bii tɔŋnda ndɔlan. La holnun ndu, mì la tosal ndu vɛlɛ baalaa a yiyannda niaalan a á kɔlta niaalan kpow.»

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Tɔŋ miingua 7:12

Te la yaŋ pɛ nilan o tɔŋndan ndan, te la bii pɛ lan mì la kela lecoo, Mɛlɛka Hala niaa peelunin kpema o yiilu fuɲaa niaa mamaa mó mɛnalan nda le lou o lediom coo-o.