Tɔŋ miingua 5:1 - BII BILA

¹ Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 5:1 Referans Kwoze

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Matie 23:3

Lelan, la bii sɔɔn nda co niaa dimullo-on kpow, mì la kela lecoo, kɛ la del kela ndaa kɔɔli le. Kani dimio nda caa ni, kɛ a tosa ɲɛ nda dimi-o le.

Tɔŋ miingua 29:10

Hɔ́aa niaa, laandaa niaa a mialaa co niaa o bɛngu coo le niaa yɔmnde kiŋndo, te kon te le niaa mɛnndan kondullo-a bɛɛ a co isisi nanu.

Tɔŋ miingua 29:2

La ce sangala kei nda coo lan kpede. La ce dɛnnda kɔndɔfiltan a kaamaala Mɛlɛka tosa lan.

Tɔŋ miingua 1:1

Sɔɔn mun Moise dimul Israɛlla kpow o peo Yurdɛn leeloo, o lɛŋnde veselɛilen nin ni. A va vɔ o dɛɛla co Suf o hɔl-ndɔ-o nin, Paran a Tofɛl tɛɛn, Laban, Haserɔt a Di-Sahab tɛɛn.

Fulaa 18:20

A bɛnda ma cɔm nda sɔɔn Hala dimi-on a tɔŋnda ndɔlan, mà cɔm nda nɛi nda bɛnda le kɔlan coo-o a mɛɛ nda bɛnda le kelaa yɛ.

Tɔŋ miingua 4:49

Ma hialu vɛlɛ dɛɛla bɛndoo Yurdɛn a ba paalen le can-ndo, kɔ bii a mɛmma hɛlii bɛnduan o pembei Piska bɛngu.»

Tɔŋ miingua 5:2

Mɛlɛka Hala naa yii kpemaa a naa o pembei Horɛb.

Condii lisai 78:7

haliko ma laalan Hala, ma bii tɔŋnda ndɔlan, yɔŋii nda pɔɛɛnun dɛnnda kaamaala o tosa lan.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Tɔŋ miingua 4:5

La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 6:17

Kɛ la bii tɔŋndan, silalan a sɔɔn ndɔn o co niaa dimullo-on.

Tɔŋ miingua 11:1

«La kaola Mɛlɛka Hala niaa mi la bii tɔŋnda ndɔlan, silala ndɔlan a sɔɔn o dimul niaa-on le lɔ́ɔ́-lɔ́ɔ̀.

Tɔŋ miingua 12:1

«La tuei-yɔ tɔŋndan a silala niaa bɛnda le biyɔɔ a le kelaa coo le fɛɛn a fɛɛn o lɛŋnde Mɛlɛka, Hala fuɲaa niaa mamaa yɔngu niaa le hiɔlɔɔ len nin-ndan.»

Tɔŋ miingua 17:19

Tɔŋ o sɛvanin kon-ndo bɛnda mò kɔɛ ndu levil te, o bɛnda mò va ndu dimio lepalaa-lapala o ceen ndɔɔ nin, haliko mo nɔ siòòŋii Mɛlɛka Hala ndɔɔ, mò bii tɔŋ kon, mò kela o silala lan kpow coo.

Tɔŋ miingua 28:15

«Kɛ te la bii diom Mɛlɛka Hala niaa le, te la kindin le kelaa o silala ndɔlan a o tɔŋnda ndɔla ya co niaa hau yɔngoo lan coo le, dangala toalnin niaa coo lan la vanin ndan ni:

Yosue 1:8

Sɛbɛ tɔŋndo ho kɔa sondo nɔmndo levil te, va ndu dimio a kɔllo keelaa lecoo idii a icɔl, haliko ma bii sɔɔn co n'sɛvaa lenin-ndon kpow. Kon tosanin ni mì tuula nɔmndan kpow la bɛnda nɔm o ba.