Tɔŋ miingua 4:7 - BII BILA

⁷ O vanaa-mangalaa-isɔɔa súúlan kpow tɛɛn, hali a co sɛ́lɛ́ bɛndoo-a, ɔ́ɔ̀ a halaa ndaa sɔɔnguu ikɛi kpɛɛlun nuaa mɛɛ Mɛlɛka Hala naa co naa ikɛi yɛ-a? Telen oo telen naa n piɛi ndu pɛ, o co naa ikɛi.

Tɔŋ miingua 4:7 Referans Kwoze

Condii lisai 145:18

Mɛlɛka co vanaa co ndu piɛiyo-a kpow macɛlu, a co ndu piɛiyo a kɔlta ndalan kpow-va pɛɛn.

Condii lisai 34:18

Vanaa sandaa koŋul pɛ, Mɛlɛka tuei nda diom, ò soli nda o buulannda ndalan kpow nin.

Condii lisai 73:28

Kɛ ya ya, dɛnɛ kɛndɛ nuu, ndu co lou nɔm Hala o ibuŋ ni. Nɔm Maalii, nɔm co Mɛlɛka-o ya tiindan ni, i cɔmnin vannda dɛnnda nɔmndan kpow.

2Samiɛl 7:23

Ɔ́ɔ̀ vanaa-mangalaa-isɔaa co maa yungu nɔmndo o lɛŋnden nden coo-a, Israɛlla pɛɛn? Ɔ́ɔ̀ vanaa-mangalaa-isɔaa halaa ndaa kɔ soli o cɛlen nin, má siinguu nda vanaa ndaa, má ke nda diolan-nda? Nɔm, a tosa dɛnnda bɛndulan le Israɛlla, a tosa dɛnnda kpúlúnkùmalan le lɛŋnde nɔmnden Israɛlaa kan o hɔl, a n soli o cɛlen nin Esipte vanaa-mangalaa-isɔaa kan a halaa ndaa o ba-a pɛɛn.

Nsaki 4:8

La sɔɔnguu Hala ikɛi, ndu bɛɛ sɔɔnguunin niaa ikɛi. La dindi bala niaalan, niaa vanaa lahakia ha! La dindi kɔlta niaalan, niaa vanaa kɔlta tiɔn-tiɔnda ha!

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Condii lisai 46:1

Condii poaa Kore-a, í fula o condun simlacinɔ vanaa n'condua nin-nde. A ɲɛ-caa vana soli ndi ni.

Condii lisai 148:14

O yɔngu vanaa ndɔa yoomuan, mo tosa mà cua bollen. Lelan vanaa lo o lediom coo o cuavaa Israɛlla tɛɛn-nda kpow a co ndu lisaa o condon nin ni, vanaa co ndu kan ikɛi-ya pɛɛn. La lisa Mɛlɛka!

Esai 43:4

Kani niaa, la kendu vɔngoo ya o hɔl, vanaa sɔvɛa niaa co ni, i kaola niaa taw. I co vanndacieea yoomaa yɔngu o fonda niaa, i co vanaa súúla celen yɔngoo le yoomu niaa baŋaa.

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

Kundalan 23:21

O ci dɛnɛ vɔɔn o Yakɔb nin te. O ci dɛnɛ sandaa lepɛŋ o Israɛl nin te. Mɛlɛka Hala ndaa co nda ikɛi. A co ndu lisaa kpeekpei le masale ndɔlen.

Kundalan 23:9

I sim o powta kpovalan bollen, mí ca nda. I sim o pembon coo, mí mɛɛndan nda. A toɲa, vanaa calta ndalan la connun teengen-nda nda co ni. Nda co ɲɛ pilɛ a vanaa-mangalaa-isɔɔa tɔ̀a le.

Dɛnnda kiilaa 17:27

Hala tosa kon haliko mi vannda nuwviaa ndu. Bɔɔle taa keeliaa pɛ balan ndu kɔɔli, a komalnin ndu. Nduyɛ, o co vana-vana levil naa tɛɛn te.

Tɔŋ miingua 4:32

«Niaa Israɛlla, la ɲuna vɔ le dɛnnda tosan sindɛ lan, la tosan telen niáà vilun-ndɔ loo lan, kandɔɔ a telen Hala cɔw vanacieo o lɛŋnden coo-o. Kandɔɔ nɛɛ halataala kandun-nda, kɔ bii nɛɛ o mɛɛlu-a, vɛ̀ɛ̀ dɛnɛ kaamaa bɛndu vaa nuaa tosan nin? Vɛ̀ɛ̀ vana tueinin dɛnɛ vaa nuaa?

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

Condii lisai 34:17

Mɛlɛka co vanaa tosaa dɛnɛ vɔɔnda mululɔnndo, le diola ndalan ɲumio o lɛŋnden coo.

Condii lisai 85:9

I tuɛi ɲɛ Mɛlɛka dimio, o co sɔɛi le kɔlɲulu vanaa ndɔa a vanaa laalan ndu-a, haliko a muungu lɛ o diɔmii ndɛi nin te.

Condii lisai 147:20

O cɔm ndɔ vanaa celen ɲɛ vaa lende lɔ́ɔ́-lɔ́ɔ̀ le, a sina tɔŋnda ndɔlan te. La lisa Mɛlɛka!

Tɔŋ miingua 33:29

Duaa co le niaa, niaa Israɛlla. Kani vana-vana siiman a niaa le. Vanaa Mɛlɛka ciindiaa-a niaa co ni, ndu co kɔ̀ɔ̀ cɔw co niaa manda-o ni, ndu co vɛlɛ mɔɛi cɔvii cɔlɔba le niaa-e ni. Yaamɔaa niaa sangalanin niaa, kɛ niaa la helnin o fondala yesalan coo o lɛŋnde ndalen nin.»