Tɔŋ miingua 4:6 - BII BILA

⁶ La bii lan mì la kela lecoo lende, kon tosanin ni mì vannda ce niaa vanaa kɔlkalua a vanaa dɛnɛ sinaa vanaa-mangalaa-isɔɔa tɔ̀a o hɔl. A tuɛinin kɔlkalu niaa tɔ́ɔ́ mà dimi aa: ‹Vanaa sɛ́lɛ́ bɛndua ha, vanaa dɛnɛ sinaa a vanaa kɔlkalua kposon nda co ni!›

Tɔŋ miingua 4:6 Referans Kwoze

SƐBƐ YƆB-O 28:28

O kon kɔɔli, mó dimul vanacieo aa: ‹Siòòŋii Mɛlɛka-e nɔu, kon co kɔlkaloo ni! Dɛnɛ vɔɔndo kpakpalaa, dɛnɛ sinaa co kon ni!›»

Condii lisai 111:10

O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

Malasi 3:12

Vanaa-mangalaa-isɔɔa kpow veelunin niaa aa vanaa dɛnɛ yelelal-a. Kani lɛŋnde niaalen nden le vanin lɛŋnde ɲɛm kɛndɛlen. Ya Mɛlɛka-Nɔ-Kpaayaa-Kpow-vo dimi lende ni.›»

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Talelan 14:8

Vana taasio dɔaw kela ndɔɔ taasi ni, kani o kendu kɔl. Kɛ diɔmnde laasiaa diɔmaa sondo vesɛiya ni.

Daniɛl 4:9

Pei ndɔɛi ndíì naŋ o tofaa, ndóò kom kɔmnden pila. Ɲɛ-ɲɛ ka va baloo dɔwnɔnndo a yɔm kon. Visia va hunɔɔ pɛngio o vunduma ndɔan bɛngu, yowva va vɛɛnde tangullo o lɛvun ndɔn coo, ɲɛ-ɲɛ yoomaa va baloo dɔwnɔnndo a yɔm kon.

Tɔŋ miingua 29:9

«Niaa kpow, la sim hau Mɛlɛka Hala niaa o hɔl, kandɔɔ a vanaa co bolii lapangɛi-ya, vanaa kɔlkalua, vanaa bɛndua lelɛŋnda kɔ bii a vanpiaandua Israɛl kpede.

Tɔŋ miingua 32:46

mó dimul nda aa: «La bii sɔɔn ya co mun niaa tɛɛngullo hau a mɛnanndo-on, mì la luei mun cuavaa niaa o lebol, haliko ma bii silala tɔŋndo ho kpow, mà kela lecoo.

Tɔŋ miingua 32:47

Kani o co sɔɛi taanin te sɔɛi he co le niaa le, sɔɛi yoomu niaa i co ni. Te la bii ndi pɛ, la sɔlanin yoomu vilɛiyo o lɛŋnde niaa co Yurdɛn taŋɔɔ le len kɔlan hiɔlɔɔ len nin.»

Esekiɛl 5:5

Nuaa Maalii, o co Mɛlɛka-o dimi ni aa: «Kpalo Yerusalɛmnda co kon ni! Yáà kɛsi Yerusalɛmnda vanaa-mangalaa-isɔɔa tɛɛn déŋ, o lɛŋii va ndu ibalaa pindo-e coo.

Osee 8:12

I sɛval bɛɛ nda tɔŋnda nilan vaalan o vaalan nin, à canin kon lan maa lepilɛ bɛɛ a sina lan te.

Condii lisai 19:8

Tɔŋ Hala-o tiwnun, ndu yɔ̀ngu vana yoomuan le va yoomu ni. Toɲaa pɛɛkula Mɛlɛka lan la co ni, lan la siinguu vana nɔ taasi loo vana kɔlkaloo ni.

Talelan 1:4

La naŋ le vanaa nɔ taasi le-a taasio yɔngoo, le poombɔ felengoo dɛnɛ sinaa a yiyan sɔvɛɔ yɔngoo.

Talelan 1:5

Vana taasio bɛnda mò yaŋ nilan, haliko mo cɔɔlu sina ndɔɔ. Vana sinaa dɛnɔɔ bɛɛ yaŋ pɛ nilan o sina mɛɛ o bɛnda le kelaa yɛ.

Talelan 14:34

Dɛnɛ sandaa tosaa hivi lɛŋnden laci ni, kɛ kafalan la tuisì vanaa co o lɛŋnden nin-nda siɛmbulan ni.

Esai 42:21

Mɛlɛka ndóò yeema le tɔŋ bɛndu kɛndɛ-kɛndɔɔ yondaa, le dɛnɛ kɛndɛ Israɛlla.