Tɔŋ miingua 4:5 - BII BILA

⁵ La sina maa i pɛɛku niaa tɔŋndan a silalan mɛɛ Mɛlɛka Hala nuu pila dimul-la le tosaa yɛ, haliko mi la bii lan, mì la kela lecoo o lɛŋnde niaa co luɛyɔɔ nin mì la loo len kɛ́ɔ len nin.

Tɔŋ miingua 4:5 Referans Kwoze

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Hebreea 3:5

Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

Tɔŋ miingua 4:1

«Sisa, niaa Israɛlla, la yaŋ nilan o tɔŋndan a o silala ya co niaa pɛɛkoo lan. La bii lan haliko mi la va yoomu, mi la luɛi o lɛŋnde Mɛlɛka, Hala fuɲaa niaa mamaa co niaa yɔngu kɛ́ɔ len nin.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

1Korɛntea 15:3

O ya sɔla-o, ndu fɔlɔn ya pɛɛku niaa ni, maa Krista vi le hakila naalan maa mɛɛ o sɛvan yɛ.

1Korɛntea 11:28

Lelan, vana-vana yaasiaa fɔlɔn kɔl ndɔɔ, malan o dia buloo ho, mò kol o taala kólaa ho nin,

Fulaa 18:20

A bɛnda ma cɔm nda sɔɔn Hala dimi-on a tɔŋnda ndɔlan, mà cɔm nda nɛi nda bɛnda le kɔlan coo-o a mɛɛ nda bɛnda le kelaa yɛ.

Tɔŋ lasálàá 7:38

Baalaa ho Mɛlɛka ke Moise le tosaa o pembei Sinai coo ni, paale len o dimul Israɛlla le ndu Mɛlɛka sálàlan solullo o lɛŋnde veselɛilen Sinai nin ni.

Tɔŋ lasálàá 26:46

Silalan ndan, pɛɛkulan ndan a tɔŋndan ndan Mɛlɛka handu ndu pila a Israɛlla tɛɛn o pembei Sinai ni. A Moise o kei le nda lan tɛɛngullo ni.

Tɔŋ lasálàá 27:34

Tɔŋndan ndan Mɛlɛka yɔngu Moise o pembei Sinai coo le Israɛlla ni.

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

Tɔŋ miingua 4:4

Kɛ niaa lo a yiinannda sakpo a Mɛlɛka Hala niaa-a, la co hau yoomu kpow.

Condii lisai 71:17

Òó Hala, nɔm pɛɛku ya kabi o felengiyɛi nii nin ni. Nduyɛ, háá hau, i co vannda dimullo a dɛnnda kaamaala nɔmndan o kɔɔ.

Tɔŋ lasálàá 19:19

La bii silala nilan. La bɛnda mì la muulian cɔlua co súú pilɛ le-a nda ŋiɔn mà hel te. La sáŋ yɛiyun co súú pilɛ loon mún miun o ciɛɔn niaan nin te. La cuɛ́inùn volɔɔla toosian a kɛilan súúlan tan tiɔn-ndan te.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Tɔŋ miingua 5:1

Mí Moise cuungiaa Israɛlla kpow, mó dimul nda aa: «Israɛlla, la yaŋ nilan o silalan a o tɔŋnda ya co niaa hau tɛɛngullo kpendekele lan. La bɛnda mì la pɛɛku lan, mì la bii lan, mì la kela lecoo.

Tɔŋ miingua 6:1

«La yaŋ nilan o tɔŋndan, o silalan a o sɔɔn Mɛlɛka Hala niaa yɔngu ya le niaa pɛɛkoo-on, haliko mi la kɔ kela lecoo o lɛŋnde niaa co luɛyɔɔ nin le len hiɔlɔɔ len nin.

Tɔŋ miingua 7:11

Lelan, la bii tɔŋndan, silalan a sɔɔn ya co niaa mun hau dimullo-on, mì la kela lecoo.

Tɔŋ miingua 8:11

Kɛ la caa dɛ! Yɔŋii niaa pɔɛɛnun Mɛlɛka Hala niaa, mì la kɛɛ le tɔŋnda ndɔlan, silala ndɔlan a sɔɔn ndɔn ya co niaa hau tɛɛngullo-on biyɔɔ.

Tɔŋ miingua 11:32

La kindin mì la bii tɔŋndan a silala ya yɔngu niaa hau lan kpow.»

Yeremi 11:6

Mí Mɛlɛka dimul-la vɛlɛ aa: «Yonda sɔɔn mun o kobila Yuda lan nin a o nɛilan Yerusalɛm coo aa: ‹La yaŋnun sɔɔn kpemaa ho, mì la kela lecoo.

Esekiɛl 20:11

Mí yɔngu nda silala nilan, mí cɔm nda tɔŋnda nilan, la vanacieo bɛnda mò kela coo haliko mi la tosa mó tuei yoomoo yeela lan.