Tɔŋ miingua 4:16 - BII BILA

¹⁶ Le hee, la laasian mì la cɔw piɔmnda le, la tuula ɲɛ-ɲɛ le. La cɔaw ɲɛ-ɲɛ a velan vanapɔnɔɔ te kon te a velan vanalanɔɔ le.

Tɔŋ miingua 4:16 Referans Kwoze

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Tɔŋ miingua 5:8

La selnun piɔmnda le. La tuula ɲɛ-ɲɛ le: o va ɲɛm co o halataala-on, o va ɲɛm co o lɛŋnden coo-on, o va ɲɛm co o mɛnndan nin o lɛŋnden bɛngu-on.

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Fulaa 32:7

Mí Mɛlɛka dimul Moise aa: «Tol ma muungu, kani vanaa n soli haa o lɛŋnde Esipte len nin-nda laasian.

Nsaŋ 4:24

Kɔllo Hala co ni, lelan mɛɛ mì vanaa co ndu biiloo-a biilu ndu a kɔllo a o toɲaa nin.»

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?

Tɔŋ miingua 4:25

Lelan, lɔ́ɔ́ niaa viawnin taw o lɛŋnde len nin-ndo, lɔ́ɔ́ niaa vialunin cuawva mì cuavaa niaa kan velu cuawva-o, te la laasian pɛ mì la cɔw piɔmnda, mì la tuula ɲɛ-ɲɛ, te la tosa pɛ ɲɛ hɛnan Mɛlɛka Hala niaa loo, mì la tuulu ndu kɔl,

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Tɔŋ lasálàá 26:1

«La cównùn halaa fondoa le, le sélnùn piɔmnda le, la tosa pow sálà le, la kɛ́sì powtan o lɛŋnde niaalen nin, mì la kɛɛmiaa lan le lan sooloo le. Ya co Mɛlɛka ni, Hala niaa pɛɛn.

Tɔŋ miingua 5:9

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Tɔŋ miingua 9:12

mó dimul-la aa: ‹Cɔn ma keleŋa tolɔɔ cɔ́-cɔ́, kani vanaa n soli o lɛŋnde Esipte nin-nda laasian, vannda ha keleŋa bɔɔ nɛi ya cɔm nda-o malɔɔ! A cownun piɔmndo a ciliŋun nda teengiaa o yin-ndon.›

Tɔŋ miingua 27:15

‹Vana-vana sɛl pɛ piɔmndo, te kon te vana-vana cɔw pɛ piɔmndo a ciliŋii o teengiaa-e, mò kɛsi ndu o fonda yililio pum le ndu sooloo sɔ́ɔ́-sɔ́ɔ́, màá dangaa va vana kon coo! Kani Mɛlɛka yeema ɲɛm vaa lende le, n vanndacieea toosiaa a bala ndalan-ndon.› O kon, vannda kpow a cɛlnin aa: ‹Amiina!›

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Tɔŋ lasálàá 19:4

La múlìn o halaa fondoa lo le nda sooloo le, la tééngiàà cilinndon o yin mì la cɔw piɔmnda a mun te. Ya co Mɛlɛka ni, Hala niaa pɛɛn.

Tɔŋ miingua 16:22

La baŋ vɛlɛ powta sálàla nɛinun Mɛlɛka Hala niaa lan o niaa lo le.

Esai 44:13

Vana sialaa yɔmndo va pɛ baalaa, o tuu yɔmndo a yoolen, o tɛnda tindilen a pindipindio, o sɛl yɔmndo a kelio, o tuuliaa ɲɛlan lecoo a kɔmpaalan, o soli ndu hɔlla maa vanaciee, o toosiaa ndu o naŋ maa vanaciee, haliko mo kɛsi ndu cɛi máándo nin.

Esekiɛl 8:10

Mí luɛi, mí mɛɛndan, mí ca ɲaa sasun lɛŋ-nda a visia nɔɔlɛyaa vɔɔnda súúlan kpede, piɔmaa cuavaa Israɛlla va sooloo-a kpow a va a tuuliaa o kpakio balɔɔ pindo.