Tɔŋ miingua 4:13 - BII BILA

¹³ Mó cɔm niaa kpema ndɔɔ, mó dimul niaa le ndu biyɔɔ a le kelaa lecoo, tɔŋnda tɔ́lan pɛɛn, mó sɛva lan o powta yɛ́ndɛ́lan tan tiɔn coo.

Tɔŋ miingua 4:13 Referans Kwoze

Fulaa 34:28

Mí Moise lo Mɛlɛka ikɛi o pembei coo lon háá palɛi belehiɔɔlu a malɔ belehiɔɔlu. O palɛi ken bɛngu, o di ɲɛdiaa le, o kol vɛlɛ le. Mí Mɛlɛka sɛva sɔɔn kpeman o powta yɛ́ndɛ́la Moise hel o ba lan coo, tɔŋnda tɔ́lan pɛɛn.

Fulaa 31:18

Mɛɛ Mɛlɛka cii Moise sɔɔn mun dimul o pembei Sinai coo, mó yɔngu ndu powta yɛ́ndɛ́la kpemalan tan tiɔn, powta yɛ́ndɛ́la ndu Hala pila sɛva coo a suei ndɔɛi lan pɛɛn.

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Fulaa 19:5

Lelan sisa, te la bii pɛ sɔɛi nii, mì la manda kpema nuu, la vanin yungu kɛsin teengen le ya-o o vanaa súúla celennda tɛɛn, kani ya nɔ lɛŋnden kpow ni.

Hebreea 9:4

Ndóò nɔ fonda solia lasálà ndáà toosiaa a sianion-ndo le sálàla ansan solio. Kesu kpemaa va vɛlɛ lon, o va o yikpaa kpede a sianion. Hɛngɛi nda toosiaa a sianion-ndo va o kesu kon nin, o va o pia cá a manne, sionnde Aarɔn-nde soli peengelan-nden bɛɛ le va lenin. O kon kɔɔli, powta sɔɔn kpeman va n sɛvaa lecoo lan la va lenin.

2Korɛntea 3:7

Sɔɔn tɔŋun mun n va n sɛvaa o powta yɛ́ndɛ́lan coo, Moise va baala tɔŋ kon tosaa, tɔŋ yɔngu kon vana piɔ́mndo sɔlaa-o pɛɛn. Mí hɔlaa ndɔa a deŋi deŋio pila, cuavaa Israɛlla a tiwba ndu tofaa le biilu va kon hiownɔn-ndo le. Nduyɛ, le telen bingi koni biilu kon va ni. Te tɔŋ dii kon vana-o deŋi pɛ deŋi vaa lende,

Rɔmnda 9:4

Israɛlla pɛɛn, a Hala siinguu cuavaa ndɔa, mí biilu ndɔɔ va nda coo-a. A o yiilu kpemala ndɔlan-nda, a nɔ tɔŋndo a kannden-nda.

Fulaa 34:1

Mí Mɛlɛka dimul Moise aa: «Nɔm pila siɔl powta yɛ́ndɛ́lan tan tiɔn maa lataselan, mì sɛva sɔɔn va n'sɛvaa o latasela n pesi lan coo-on lecoo.

Tɔŋ miingua 4:12

Mí Mɛlɛka soaa o niaa lo o yinnden tɛɛn, la va sɔɔn o va dimio-on tueyɔɔ, kɛ la ve vundule ndɔlen cɔ le. Diom ndɔɔ kínɛí niaa va tueyɔɔ ni.

Tɔŋ miingua 4:14

O telen pilɛ kon, mí Mɛlɛka dimul-la le niaa tɔŋndan a silalan pɛɛkoo, haliko mi la kela lecoo o lɛŋnde niaa keinin nin le len hiɔlɔɔ a loo len nin.»

Tɔŋ miingua 5:22

Sɔɔn mun Mɛlɛka dimi kpendekele o yinnden tɛɛn, o kumii bɛnduei nin le vanaa va isisi o pembei bɛngu-a kpow ni. O hendu ɲɛ-ɲɛ lecoo le. O kon kɔɔli, mó sɛva mun o powta yɛ́ndɛ́lan tan tiɔn coo, mó yɔngu ya lan.»

1Masaa 8:9

Powta yɛ́ndɛ́la tiɔnndan koni la va lenin ni, powta yɛ́ndɛ́la Moise ndóò kɛsi lenin Horɛb telen Mɛlɛka yii kpemaa nda Israɛlla o fula nda va Esipte-o lan pɛɛn.

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.