Sɔɔn mun Mɛlɛka dimi kpendekele o yinnden tɛɛn, o kumii bɛnduei nin le vanaa va isisi o pembei bɛngu-a kpow ni. O hendu ɲɛ-ɲɛ lecoo le. O kon kɔɔli, mó sɛva mun o powta yɛ́ndɛ́lan tan tiɔn coo, mó yɔngu ya lan.»
A ndu Nsaŋ o kɔɔ Esai vana-tɛɛngaa-diom Hala-o ndóò soo ni aa: «Diomndo co sɔɛi o lɛŋnde veselɛilen nin aa: ‹La bɛɛndiaa nɛi Mɛlɛka-o, la siɛɛnduu nɛila ndɔla pɔmbɔlan.›»
Diomndo pum co dimio aa: «Tɛɛnguu yoongoo!» Mí ɲuna aa: «Yoongu yɛɛ nɛ ya tɛɛnguu yɛ?» Vanndacieea kpede maa bil nda co ni, naŋɔɔ ndaa kpow, maa yandɔɔ bil co yondoo nin-ndo o co ni.
Nila niaalan la tuɛinin diomndo dimio niaa kɔɔli telen niaa yeemanin le kɔlan o ba kɛndɔɔ coo te kon te o ba mɛllo coo-o aa: «La tofa vɔ nɛiyo, la kɔ lecoo!»
O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»
Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»
Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.
O kon mí la sɔɔnguu o pembei bɛngu kpow, mí la sim ndon, telen kon yinnde bɛndu-bɛndulen le va biyɔɔ cɔn o pembei coo háá o halataalaa nin di-di. Le va biyɔɔ o ɲumma bɛnduan a o kumii bɛnduei nin.
Mí Mɛlɛka yɔngu ya powta yɛ́ndɛ́la tiɔnndan, la ndu Hala pila sɛva coo a suei ndɔɛi lan. Sɔɔn o soo o yinnden tɛɛn o pembei coo paale niaa va a cuungiannda ndu o hɔl-ten-ndon va n'sɛvaa lecoo kpow.
Mí Mɛlɛka sɛva tɔŋnda tɔ́lan o powta yɛ́ndɛ́la yáà kɔɛ o ba lan coo mɛɛ ndóò sɛva lan o powta yɛ́ndɛ́la taselan coo yɛ. Tɔŋnda ndóò yɔngu o pembei coo o yinnden tɛɛn paale niaa va a cuungiannda ndu o hɔl-ten-ndan pɛɛn. Mó cua lan, mó yɔngu ya.