Tɔŋ miingua 4:11 - BII BILA

¹¹ O kon mí la sɔɔnguu o pembei bɛngu kpow, mí la sim ndon, telen kon yinnde bɛndu-bɛndulen le va biyɔɔ cɔn o pembei coo háá o halataalaa nin di-di. Le va biyɔɔ o ɲumma bɛnduan a o kumii bɛnduei nin.

Tɔŋ miingua 4:11 Referans Kwoze

Tɔŋ miingua 5:23

«Nduyɛ, mɛɛ niaa tuei diomndo fulaa o ɲumndan nin, telen pembei kpow va a yinnde bɛndulen-ndo, mí la sɔɔnguu ya ikɛi niaa vanaa va bolii lapangɛi niɛi-ya a simlacia niaa latulu,

Fulaa 19:9

Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.

Tɔŋ miingua 4:12

Mí Mɛlɛka soaa o niaa lo o yinnden tɛɛn, la va sɔɔn o va dimio-on tueyɔɔ, kɛ la ve vundule ndɔlen cɔ le. Diom ndɔɔ kínɛí niaa va tueyɔɔ ni.

Condii lisai 18:11

O va o mɛlɛkanɔ kanda ɲɛm Hala-on-ndo coo, mí mɛlɛkanɔ kon can, mó va kɔlan a kumbanndan pɛɛngaa o hoeiye nin.

Condii lisai 97:2

Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

2Samiɛl 22:10

O kon mí Mɛlɛka nangu halataalaa, mó toal. Kumii tiŋii dikpisiie va ndu o n'pelu mɔku-mɔku.

1Masaa 19:12

Tuma lɛŋnden le pɛngi ɲiiyaa-o, mí yinnden le fula, kɛ Mɛlɛka ve vɛlɛ o yinnde len nin te. Yinnden hiovɔɔ, mí ɲɔɔ mei kpili-kpili, mí diom fɛ́ɛ́-fɛ́ɛ́o pum tuɛinun.