Tɔŋ miingua 4:10 - BII BILA

¹⁰ La pɔɛɛnun paale niaa sim Mɛlɛka Hala niaa o hɔl o pembei Horɛb coo len te, paale len mí Mɛlɛka dimul-la aa: ‹Cuungiaa vannda ha ya o hɔl, mì dimul nda sɔɔn nun, haliko ma nɔ siòòŋii nii, mà ke ya bɛɛlen o palɛi nda nɔ le yoomoo o lɛŋnden coo-e nin kpow, mà pɛɛku vɛlɛ poaa ndaa le siòòŋii nii nɔu.›

Tɔŋ miingua 4:10 Referans Kwoze

Fulaa 19:9

Mí Mɛlɛka dimul ndu aa: «Tofa vɔ, i co kɔlan o nɔm ndo o kumii bɛndu-bɛnduei nin, haliko lɔ́ɔ́ ya vanin sɔɛi o nɔm ndo-o, mì Israɛlla tuei ya diom, mà laalan nɔm le lɔ́ɔ́-lɔ́ɔ̀.» O kon mí Moise cɔm Mɛlɛka sɔɔn Israɛlla soo-on.

Tɔŋ miingua 17:19

Tɔŋ o sɛvanin kon-ndo bɛnda mò kɔɛ ndu levil te, o bɛnda mò va ndu dimio lepalaa-lapala o ceen ndɔɔ nin, haliko mo nɔ siòòŋii Mɛlɛka Hala ndɔɔ, mò bii tɔŋ kon, mò kela o silala lan kpow coo.

Tɔŋ miingua 5:2

Mɛlɛka Hala naa yii kpemaa a naa o pembei Horɛb.

Fulaa 20:20

Mí Moise mulul nda aa: «La yɔŋ isiòòn te. Le niaa tɔɔndanndo Hala hin ni, haliko mi la nɔ bɛɛle ndɔlen, yɔŋii niaa tosa hakio.»

Fulaa 20:18

Vannda kpow a va diom mataŋndo a diom bulu bɛndoo tueyɔɔ, a va piɔɔ cɔu volio iŋuanndi-ŋuanndiei a kumii bɛndu-bɛndui kumbu pembii ken mɔku-mɔku-e. Mɛɛ nda ce lende, má ɲiiya a siòònde, má sim kɔɔli-kɔɔli.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Luke 1:50

Ɲíí ndɔɛi co le fɛɛn a fɛɛn le vanaa co ndu bɛɛlen keo-va.

1Samiɛl 12:24

Niaa yɛ, o bɛnda mì la nɔ siòòŋii Mɛlɛka-e, mì la biilu ndu a kɔlta niaalan kpow, kani niaa pila ce dɛnnda kaamaala o tosa niaa o hɔl-tan.

Tɔŋ miingua 14:23

La bɛnda mì la de o-tɔ́ndɔ niaa Mɛlɛka o hɔl, o fonda o hɛlinin le diola ndɔlan vaa biilɔnndo-o nin. O va o-tɔ́ndɔ niaa solinin o malun niaa nin-ndo, o va o niaa solinin o mɔima niaama sɛnɛiyan nin-ndo, o va o niaa solinin o cuɛima niaan nin-ndo, o va cɔlua piaandua tasea cɔlua niaa vanin komɔɔ-a. O kon, la pɛɛku mɛɛ niaa bɛnda le siòòŋii Mɛlɛka Hala niaa nɔu le fɛɛn a fɛɛn yɛ.

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Fulaa 19:1

Mɛɛ Israɛlla fula o lɛŋnde Esipte len nin, o paale taselen coo o paangii yàándɔɛi nin o cɔnɔn ndaa Esipte kɔɔli, má tiiya o lɛŋnde veselɛilen Sinai nin.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Tɔŋ miingua 11:19

La pɛɛku cuavaa niaa lan. La soo lecoo o laniaa lo cɛinin, telen niaa vanin kɔlan kelaa o nɛi-yo, telen niaa vanin kɔlan lɔan-ndo a telen niaa cannin-ndo.

Tɔŋ miingua 12:1

«La tuei-yɔ tɔŋndan a silala niaa bɛnda le biyɔɔ a le kelaa coo le fɛɛn a fɛɛn o lɛŋnde Mɛlɛka, Hala fuɲaa niaa mamaa yɔngu niaa le hiɔlɔɔ len nin-ndan.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

Fulaa 19:11

A va a bɛɛndiannda le diɛŋ, kani i toalnin ɲinkon o pembei Sinai coo nda kpow o hɔl.

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Tɔŋ miingua 6:7

La pɛɛku cuavaa niaa lan, mì la luei nda lan o lebol. La dɔw baltan lecoo telen niaa vanin o laniaa lo cɛinin-ndo, telen niaa vanin kɔlan kelaa o nɛi-yo, telen niaa vanin kɔlan hinilan-ndo a telen niaa cannin-ndo.

Condii lisai 145:4

Lambi oo lambi cɔmnin o koma hunnin ndu kɔɔli-o dɛnnda ndu Mɛlɛka tosa lan, o cɔmnin lambi kon dɛnnda ndɔla kaamaalan.

Esai 38:19

Kɛ fɔ vana co yoomu-o, a toɲa, fɔ vana co yoomu-o lisa nɔm ni, maa mɛɛ ya co nɔm lisaa hau nuaa yɛ. Fuɲaa pɛɛkunin cuavaa ndɔa mɛɛ nɔm Maalii co vana lo o lediom coo-o yɛ.