Tɔŋ miingua 32:8 - BII BILA

⁸ Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

Tɔŋ miingua 32:8 Referans Kwoze

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Condii lisai 115:16

Mɛlɛka nɔ halataalaa ni, mó ke vanndacieea lɛŋnden.

Condii lisai 92:8

Vanaa yɔŋ vɔɔnda kui bɛɛ mɛɛ billo vul nuaa yɛ, mì vanaa co dɛnnda vɔɔnndan tosaa-a va kuiyo maa n'peenge, a tambunin le fɛɛn a fɛɛn.

Condii lisai 91:1

Vana kila pɛ caltan o vunduma Ó-Hiow-Ɲɔɔn-Kpow-vo-an bɛngu, mɛɛ ndu sɔlanin pɛngio o vunduma Vana-Kpaayaa-Kpow bɛngu.

O Kandɔɔ 10:25

Mí Hebɛr vialu poaa nda ŋiɔn: po ndɔ tasoo diolan Pelɛk (kon co dimio ni aa «Piɔwvo»), kani o paale ndɔlen vanndacieea o ceendo coo a piɔvan ni. Pɔmbɔ ndɔ diolan aa Yɔktan.

O Kandɔɔ 10:15

Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

Dɛnnda kiilaa 7:48

Kɛ Hala-Hiow-Ɲɔɔn kpow-vo cel o cɛila vanndacieea cɔw lan nin te. Maa mɛɛ vanaa-tɛɛngaa-diom Hala-o dimi yɛ aa:

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Esai 14:14

I helnin o yumbuyumboo coo mì siŋnun kpen-kpen a Ó-Hiow-Ɲɔɔn-Kpow-vo.

Condii lisai 82:6

Le hee ya dimi ni aa halaa niaa co ni, niaa kpede. Niaa poaa Ó-Hiow-Ɲɔɔn-Kpow-vo-a pɛɛn.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Condii lisai 7:17

O kon, dɛnɛ palaa o toosiaa-o del ndu pila o lebol, kɔlvesɛi ndɔɔ hulun ndu pila o kpokpo.

Kundalan 24:16

Ya ni, ya tuɛi sɔɔn Hala-on-ndo sɔɛi he co fulaa o sondo nuaa ni. Ya sina dɛnɛ sinaa Ó-Hiow-Ɲɔɔn-Kpow-vo ni! Ya ca vundule Vana-Kpaayaa-Kpow len-ndo co sɔɛi nuaa ni. Ya del lɛŋ mì ca sɔɔn viannanndon ni.

Kundalan 23:9

I sim o powta kpovalan bollen, mí ca nda. I sim o pembon coo, mí mɛɛndan nda. A toɲa, vanaa calta ndalan la connun teengen-nda nda co ni. Nda co ɲɛ pilɛ a vanaa-mangalaa-isɔɔa tɔ̀a le.

Tɔŋ miingua 33:28

Israɛlla connun nila ɲulu o calta ndalan. Soon kólaa Yakɔb-o connun teengen o lɛŋnde ɲɛdiaa a mɔima yɛngian ma co nin-nden nin, o lɛŋnde halataalaa co mɔ́mndo tuisio coo len nin.

Condii lisai 74:17

Nɔm handu pɛɛngula lelɛŋndan kpow ni, má soli vɔɔlen a sialten.

Misee 2:5

Lelan, tuma yungu Mɛlɛka-o vanin vɛlɛ lɛŋnden piɔwvo-o, o niaa tɛɛn, vana-vana sɔlanin lelɛŋ te.›»

O Kandɔɔ 10:5

O nda nin vanaa co icali o mɛnndan ikɛi a o mɛnndan tɛɛn-nda fula ni, mí vanaa kan kɔ piɔvan kundalan o lɛŋnde nin mɛɛ nda va súúlan yɛ a mɛɛ sɔɔn ndan mangalan va yɛ.

1Dɛnnda lemasalan 16:18

Mó dimi aa: «I yɔngunin nɔm lɛŋnde Kanaan-nden, kɛ́ niaa vanin kon ni, nɔm a polale nɔmnden!»

SƐBƐ YƆB-O 15:19

Nda daama Hala ndóò ke lɛŋnden ni, tuma kon, mial oo mial ndóò luei-yɔ nda tɛɛn te: