Tɔŋ miingua 3:2 - BII BILA

² O kon mí Mɛlɛka dimul-la aa: ‹Yɔŋ isiòòn a ndu le. Kani i mal ndu nɔm o ba a vanaa ndɔa cɔwva a lɛŋnde ndɔlen kpow. La co ndu nɔla mɛɛ niaa nɔla Sihon masa Amoriia, ó va icali Hɛsbɔn-ndo yɛ.›

Tɔŋ miingua 3:2 Referans Kwoze

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

2Dɛnnda lemasalan 20:17

O co niaa le cɔlɔbanin ndon te. Niaa niaa fula daama mì la kɔ sim, o kon la canin mɛɛ ya Mɛlɛka baŋanin niaa yɛ. Siòòŋii bii niaa le, la vu n'dial te.› Lelan, siɔdii la fula, la kɔ bɔŋa nda, Mɛlɛka vanin niaa ikɛi.»

Dɛnnda kiilaa 27:24

mó dimul-la aa: ‹Siòòŋii bii nɔm te Pol. Mɛɛ mà kɔ sim masaa Sesar o hɔl. Tofa vɔ, Hala tosal nɔm dɛnɛ kɛndɔɔ niaa vanaa niaa co kɔlan o mɛnndan coo-a kpow.›

Dɛnnda kiilaa 18:9

Icɔllo pum, mí Mɛlɛka dimul Pol o vundulen nin aa: «Siòòŋii bii nɔm te. Hiow laci a sɔɛi, mɛi le.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Tɔŋ miingua 20:3

o dimul nda aa: ‹Israɛlla, la yaŋ nilan. La co hau sɔɔnguuo le yaamɔaa niaa cɔlɔbaa, lelan, la vu n'dial te. La yɔŋ isiòòn te. La yɔŋnun yoloma-yoloma nda o hɔl te.

Tɔŋ miingua 3:11

Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

Kundalan 21:34

Lelan, mí Mɛlɛka dimul Moise aa: «Yɔŋ isiòòn te, kani i mal Ɔk, vanaa ndɔa cɔwva a lɛŋnde ndɔlen kpow nɔm o ba. A co ndu tosal mɛɛ n tosal Sihon masa Amoriia, ó va masalen tosaa Hɛsbɔn-ndo yɛ.»

Kundalan 14:9

Kɛ nduyɛ, la simul Mɛlɛka le. La yɔŋ vɛlɛ siòònde a vanaa co o lɛŋnde len nin-nda le. N co lakɔ nda miɔɔnɔn maa dɔɔma, kani a co lɛ o levundu bɛngu le, vundule va nda kandaa len le faŋan nda coo, naa yɛ Mɛlɛka co naa ikɛi. La vo nda le few.»

Tɔŋ miingua 3:1

«Mí n muli hɔlla a kpengii celen, mí n kɔa a ba Basan-ndo, kɛ mí Ɔk, masaa Basan hinul naa a vanaa ndɔa cɔwva kpow. Mó del naa coo Edrei.

Tɔŋ miingua 3:3

Lende Mɛlɛka Hala naa mal Ɔk, masaa Basan a vanaa ndɔa cɔwva kpow naa o ba ni. N lo nda diwvo háá má cuu kpow, o pilɛ bɛɛ lo yoomu le.

Yosue 10:8

Mí Mɛlɛka dimul Yosue aa: «Siòòŋii bii nɔm a nda le, i cii nda malɔɔ nɔm o ba, o nda tɛɛn, vana pilɛ bɛɛ nɔlanin nɔm simullo le.»