Tɔŋ miingua 3:11 - BII BILA

¹¹ Ɔk va kon masaa Basan-ndo ndu pilɛ kpé lo yoomu o Refaimnda nin ni. Kpele n'cilinndo kpele ndɔ hinia va ni. O co vɔ háá paalen nden o kobio Raba nin, kobi poaa Amɔnnda pum pɛɛn. Kpele kon bandii ndɔɛi va dunndo leŋɔmahiɔɔlu, buo dunndo lehiɔɔlu, dun vanacieo pɛɛn.»

Tɔŋ miingua 3:11 Referans Kwoze

O Kandɔɔ 14:5

O vɔsi tɔ́ a hiɔɔlundɔɔ nin, mí Kedɔrlaomɛr cua masaa ndaa cɛlan diom-nda, má kɔ del Refaimnda coo a cɔwvo Asterɔt-Karnaim. Má nɔla nda. Má kɔ toal vɛlɛ Susimnda coo Ham, má tiw nda ba. Má hiaw laci, má kɔ nɔla Emimnda Save-Kiriataim ciee.

Yeremi 49:2

Lelan sɔɛi fula Mɛlɛka o sondo-e co hee ni aa: «Paale vanin mì vannda tuei vóólun-vóólun cɔwvo Raba o kobi lebol Amɔnnda nin. Kobi kon siŋnunnin bémbélan, mà lom cieon pɔmbɔn balu ndu-on. O telen kon Israɛlla minginnin ɲɛm ndan o laba.» Mɛlɛka dimi lende ni.

2Samiɛl 12:26

Tuma kon Yoab ndóò del Raba kobi lebol Amɔnnda coo a cɔwvo ni, mó bii kobi lebol masaa va kon icali nin-ndo.

Amɔs 2:9

Nduyɛ, nda o hɔl ya diw Amoriia ni, Amoriaa kan ndáà bandu maa yɔmii sɛɛdre, ndáà nɔ yoomuan maa iyálán. Kɛ mí tɛɛmbuu kɔmnde ndalen coocoo a puundun ndan lɛŋ.

Amɔs 1:14

Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.

Esekiɛl 21:20

Haliko mi kɔltan la laasian nda nin, mì tɛɛmbuula ndalan la vangalan. I cumulnin nda o diola luɛyaalan kpow sondoo a mɔɛi cɔwve o ba. Mɔɛi cɔvii ken toosian le volio ŋuandi-ŋuandi, i co iyikpaa tɛm-tɛm le diyɔɔ.

2Samiɛl 11:1

Tuma sialte taselen, telen masaa ndáà can le cɔwlan tosaa-o, mí masaa David viam Yoab a vanaa va ndu o ba bɛngu-a, má kɔ diw Amɔnnda diwvo pila, má tiila kobio Raba. Kɛ mí David ndu lo Yerusalɛm.

1Samiɛl 17:4

Mí vana cɔwvo pum fula o dɔ́ɔ́ngɔ́ Filistia nin, mó hun sim kundala tiɔnnda vanaa cɔvaa kan tɛɛn, diolan ndɔlan aa Koliat. O kobio Kat nin ndóò fula ni. Bandii ndɔɛi va le dunndo leŋɔmpum a suon piasaa lepilɛ.

Tɔŋ miingua 2:20

Lɛŋnde len bɛɛ, ndáà cua len maa lɛŋnde Refaimnda, kani Refaimnda va sindɛ icali lon ni, nuaa poaa Amɔn-nda ndáà veelu Refaimaa kan ni aa Samsumiia.

Tɔŋ miingua 2:11

Emimmaa kan bɛɛ, maa Refaimnda vannda ce nda ni mɛɛ nda ce cuavaa-imamaa Anak-a yɛ, kɛ vannda Moab va nda veeloo ni aa Emimnda.

Dɛnnda cɔɔmuanndan 21:17

Mó tuu kpakio, mó fula dunndo kɛmɛ belehiɔɔlu a lehiɔɔlu. A ɲɛ vanndacieea ndáà tùù-o mɛlɛkanɔɔ tuu kobi kon ni.

Yosue 12:4

Masaa pillo yɔŋnun Ɔk ni. O va vana pilɛ o Refaimaa mɛɛlaa tɛɛn, o va masalen tosaa Basan. Astarɔt a Edrei o va icali ni.

Yosue 13:12

Masale Ɔk va masaa Basan-ndo len kpow, ó va masalen tosaa Astarɔt a Edrei-yo bɛɛ le va o lɛŋnde ndalen nin. Ɔk kon va vana pilɛ o Refaimaa mɛɛlu masalen tosaa-a tɛɛn. Moise ndóò nɔla nin masaa kan, mó toaw nda.

Esekiɛl 25:5

I siinguunin kobio Raba yasabaa ɲɔɔmɛɛa, mì siinguu lɛŋnde poaa Amɔnnda kpow bɛ̀mɛ́lta saa. O kon la sinanin maa ya co Mɛlɛka ni.

O Kandɔɔ 6:15

Mɛɛ n bɛnda le ndu siɔlɔɔ yɛ co hoo ni: bandei dunndo kɛmɛ leyáá, buo dunndo beleŋuɛɛnu, simndan dunndo beleyaa.