Tɔŋ miingua 27:3 - BII BILA

³ O kon, la sɛva sɔɔn co o tɔŋndo ho nin-ndon kpow o powta lan coo. Lende niaa tosanin paale niaa taŋnin peo Yurdɛn le luɛyɔɔ o lɛŋnde Mɛlɛka Hala niaa ke niaa len nin-nden ni. Lɛŋnde len yɛ, cɔlua a tɔlɔɔlan la naŋ lenin taw-taw, maa mɛɛ Mɛlɛka pila dimul niaa yɛ, Hala fuɲaa niaa mamaa pɛɛn.

Tɔŋ miingua 27:3 Referans Kwoze

Yosue 8:32

Mí Yosue sɛva tɔŋnda Moise ndóò yɔngu Israɛlla lan o powtan coo lon Israɛlla o hɔl.

Tɔŋ miingua 26:9

Mó hun a naa o fondaa ho nanu, mó yɔngu naa lɛŋnden nden, lɛŋnde cɔlua a tɔlɔɔlan la naŋ nin taw-taw len.

Hebreea 10:16

«Mɛlɛka dimi aa kpema ya yiinin a nda o palɛi ken kɔɔli-o co hoo ni: I vownin tɔŋnda nilan nda nin, mì sɛva nda lan o lakɔl.»

Yosue 5:6

Vɔsilan belehiɔɔlu, Israɛlla va hiŋnɔnndo o lɛŋnde veselɛilen nin. O vɔsila lan mɛɛlulan, mí vanpiaandua fula Esipte-a, áà nɔla nin cɔwvo tosaa-a cuu vu kpow le kɛɛ nda kɛɛ sɔɛi Mɛlɛka-e biyɔɔ-o. Kani mí Mɛlɛka mɛnalan nda maa nda cinin lɛŋnde o yiilu fuɲaa ndaa mamaa kpemaa le nda len keo len te, lɛŋnde cɔlua a tɔlɔɔlan la naŋ nin taw-taw len pɛɛn.

Kundalan 14:8

Te Mɛlɛka ce naa pɛ ɲia, o co naa yɔɔ mò yɔngu naa lɛŋnde cɔlua a tɔlɔɔlan la naŋ nin taw-taw len.

Kundalan 13:27

Kona nda dɔwnun-ndo yɔŋnun hoo ni, má dimi aa: «N kɔɛ mí n tiiya o lɛŋnde n vem naa nin-nden nin. Toɲaa, lɛŋnde cɔlua a tɔlɔɔlan la naŋ nin taw-taw len le co ni.

Yeremi 32:22

Má ke nda lɛŋnde nɔm óò mɛnalan fuɲaa ndaa mamaa le nda yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.

Yeremi 11:5

O kon, i peelunin kpema yáà yiilu fuɲaa niaa mamaa le nda lɛŋnden yɔngoo-o, lɛŋnde tɔlɔɔlan la naŋ nin taw len pɛɛn, maa mɛɛ niaa co cɔu hau nuaa-yɛ.›» O kon mí muli aa: «Amiina Mɛlɛka!»

Tɔŋ miingua 6:8

La va layiyaa niaa o laba maa tɔɔmasele, mì la va laholaa niaa o n'tendu maa lepónda.

Tɔŋ lasálàá 20:24

O kon, mí dimul niaa Israɛlla maa niaa loonin lɛŋnde ndalen kɛ́ɔ ni. Ya yɔngu niaa len ɲɛ niaa pɛ́ ni. Lɛŋnde len cɔlua a tɔlɔɔlan la naŋ lenin taw-taw. Ya co Mɛlɛka ni, Hala niaa pɛɛn, ya sɛi niaa a vanaa súúla celen mí niaa va teengen ni.

Tɔŋ miingua 6:3

Lelan, Israɛlla, la yaŋ nilan o sɔɔn mun, la bìí mun mì la kela lecoo, haliko mi la sɔla dɛnɛ kɛndɔɔ, mì la kui taw o lɛŋnde cɔlua a tɔlɔɔlan la naŋ nin taw-taw len nin, maa mɛɛ Mɛlɛka, Hala fuɲaa niaa mamaa dimul niaa yɛ.